RF XİN Bakı və Yerevanın münasibətləri normallaşdırmağa hazır olmasını alqışlayır
Bakı/08.12.23/Turan: Azərbaycan və Ermənistan rəhbərliyinin münasibətləri normallaşdırmaq və sülh müqaviləsi bağlamaq niyyəti haqqında birgə bəyanatı Moskvada məmnuniyyətlə qarşılanıb. Bu barədə RF XİN-in rəsmi nümayəndəsi Mariya Zaxarovanın şərhində deyilir.
"Bakı və Yerevan arasında Ermənistan və Azərbaycan hərbiçilərinin azad edilməsi haqqında razılaşmanı alqışlayırıq. Rusiya ardıcıl olaraq saxlanılan şəxslərin "hamı hamı ilə" prinsipi ilə dəyişdirilməsi ideyasını irəli sürürdü. Bu, qarşılıqlı etimadın möhkəmlənməsinə şərait yaradır və Ermənistan-Azərbaycan münasibətlərinin normallaşdırılması prosesinin Rusiya, Azərbaycan və Ermənistan liderlərinin 2020-2022-ci illərdə əldə etdikləri üçtərəfli kompleks razılaşmalara uyğun olaraq irəlilədilməsi üçün yeni imkanlar yaradır", deyə şərhdə bildirilir.
Rusiya tərəfi bundan sonra da nəqliyyat kommunikasiyalarının açılmasında, sərhədin delimitasiyasında, sülh müqaviləsinin bağlanmasında və vətəndaş cəmiyyəti xətti ilə əlaqələrin yaradılmasında hər cür yardımı göstərməyə hazırdır, deyə o qeyd edib. 0
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz