Avropa Şurası baş katibinin Azərbaycanın xarici işlər naziri ilə görüşü
Bakı/08.12.23/Turan: XİN başçısı Ceyhun Bayramov və Avropa Şurasının baş katibi Mariya Peyçinoviç-Buriç cümə günü Bakıda ikitərəfli əməkdaşlıq məsələlərini və regionda vəziyyəti müzakirə ediblər.
XİN-in məlumatında deyilir ki, Bayramov Azərbaycanın "AŞ-a üzv olmasından ötən müddət ərzində insan hüquqlarının qorunması, qanunun aliliyi və demokratiyanın inkişafı sahələri üzrə Təşkilatla yaxından əməkdaşlıq etdiyini" bildirib.
Tərəflər cari Fəaliyyət Planı çərçivəsində ədliyyə sisteminin təkmilləşdirilməsi, medianın inkişafı və digər istiqamətlərdə əməkdaşlığın səmərəli nəticələr verdiyini bildiriblər.
Bayramov həmçinin Azərbaycanın ərazi bütövlüyünün bərpa olunmasından sonra vəziyyət və antiterror əməliyyatlarının nəticələri barədə məlumat verib, deyə XİN-in məlumatında qeyd edilir. 0
Siyasət
-
Yanvarın 23-də Azərbaycan SQ-nin Quru Qoşunları komandanının müavini general-mayor İlqar Lətifov ölkəmizdə rəsmi səfərdə olan Pakistan Silahlı Qüvvələrinin Hərbi Əməliyyatlar üzrə Baş Direktoru general-mayor Abdulla Kəşifin rəhbərlik etdiyi nümayəndə heyəti ilə görüşüb.
-
2025-ci ilin Azərbaycanda "Konstitusiya və Suverenlik İli" elan edilməsi hakimiyyətin bu il konstitusiya referendumu keçirmək planları haqqında şaiyə və təxminlərə səbəb olub.
-
Azərbaycanla sülh prosesi çərçivəsində Ermənistan gündəlikdəki bütün məsələlərin həlli yollarını təklif edib, bu barədə yanvarın 23-də Ermənistanın Təhlükəsizlik Şurasının katibi Armen Qriqoryan bildirib.
-
Azərbaycan Talışlarının İctimai Şurasının (ATİŞ) İdarə Heyətinin üzvü Hilal Məmmədov yanvarın 23-də Dövlət Təhlükəsizliyi Xidmətində dövlətə xəyanətdə ittiham olunan tədqiqatçı İqbal Əbilovun işi üzrə şahid qismində dindirilib. Məmmədovun Turan-a verdiyi məlumata görə, onu Əbilovun fəaliyyəti, elmi əsərləri və nəşrləri haqqında sorğu-sual ediblər.
Rəy yaz