![RF XİN E.Fətullayevi D.Əsgərovun vəziyyətini ağırlaşdırmamağa çağırır, onun Kəlbəcər �səfəri� barədə Bakının məlumatının olduğuna işarə edir](https://turan.az/resized/media/2017/main/042500000757-750-500-resize.webp)
RF XİN E.Fətullayevi D.Əsgərovun vəziyyətini ağırlaşdırmamağa çağırır, onun Kəlbəcər �səfəri� barədə Bakının məlumatının olduğuna işarə edir
Moskva/24.04.17/Turan: RF XİN-in mətbuat katibinin müavini A.Kojin Azərbaycanda həbs olunmuş Rusiya vətəndaşı Aleksandr Lapşin və Qarabağda həbs olunmuş Rusiya Fətəndaşı Dilqəm Əsgərovla bağlı vəziyyəti şərh edib.
RF XİN-in saytında yerləşdirilmiş Kojinin Moskvanın RF vətəndaşı Əsgərovun hüquqlarının müdafiəsi üzrə gördüyü tədbirlər barədə suala cavabında deyilir: “Azərbaycan KİV-lərinin bizim Rusiya vətəndaşlarının müdafiəsi işimizə daimi diqqətindən təsirləndik. Sizi inandırıram ki, Rusiya XİN ardıcıl olaraq milliyyətindən asılı olmayaraq, bütün Rusiyalıların qanuni maraqlarını müdafiə edir.
Məlum olduğu kimi, Dağlıq Qarabağ münaqişəsi zonası Rusiya vətəndaşlarının ziyarət etməkdən çəkinməsi tövsiyə olunan yerlər arasındadır. Bu tövsiyə, xüsusən, Nazirliyimizin konsulluq portalında yerləşdirilib. Biz prinsipial olaraq jurnalistlərin və ya fərdi vətəndaşların bu və ya digər ərazilərə dinc səfərlərinin cinayət əməli kimi kriminallaşdırılmasına qarşıyıq.
Konkret olaraq Dilqəm Əsgərova gəlincə, qeyd etmək lazımdır ki, o (eləcə də, bir müddət sonra A.Lapşin), Rusiya XİN-in yuxarıda qeyd edilən tövsiyəsinə məhəl qoymayıb. Rusiya hakimiyyəti xaricə çıxdıqdan sonra öz vətəndaşlarının yerdəyişməsinə nəzarət edə bilmədiyinə görə bu hadisədə bizim üçün naməlum məqamlar var. Belə ki, biz Bakının bu Rusiya vətəndaşının münaqişə zonasına getmək niyyətindən xəbəri olub olmadığını dəqiq bilmirik. Amma D.Əsgərov Dağlıq Qarabağda saxlandıqdan sonra onun Rusiya ümumvətəndaş pasportunun surətini məhz Azərbaycan hakimiyyətindən almağımız faktdır. Eləcə də, D.Əsgərovu Rusiya XİN-in tövsiyəsini pozmağa nəyin təşviq etdiyini əminliklə iddia edə bilmərəm. Amma, axı o, ciddi mühafizə olunan “təmas xəttini” necəsə keçib.
Azərbaycan KİV, o cümlədən tanınmış yarımrəsmi “hakkın” internet portalı D.Əsgərovun taleyindən səmimi olaraq narahatdırsa, ilk növbədə onun işi ilə bağlı təbliğat səs-küyünə son qoymalıdır. Bu, bizim bu Rusiya vətəndaşının taleyini humanitar əsaslarla yumşaltmaq səylərimizə mane olur, deyə Kojinin şərhində bildirilir.
* Xatırladaq ki, üç Kəlbəcər sakini – Dilqəm Əsgərov, Şahbaz Quliyev və Həsən Həsənov 2014-cü ilin iyulunda cəbhə xəttini keçiblər və ermənilər tərəfindən işğal olunmuş Kəlbəcər rayonuna gediblər. Bir neçə gün sonra onlar ermənilər tərəfindən ələ keçirilib, bu zaman Həsənov öldürülüb.
Quliyev və Əsgərov diversiyaçı adlandırılıb və yeniyetmə və zabiti öldürməkdə ittiham olunub və mühakimə olunub – Əsgərov ömürlük, Quliyev isə 22 il həbs cəzası alıb. Onlar Kəlbəcərə səfərlərini doğma yurdu və əcdadlarının qəbirlərini ziyarət etmək istəyi ilə izah ediblər. -02D-
-
- İqtisadiyyat
- 25 Aprel 2017 11:10
-
- İqtisadiyyat
- 25 Aprel 2017 12:01
Siyasət
-
Səhər saat 8-də Azərbaycan Milli Məclisinə növbədənkənar seçkilərdə səsvermə başlayıb. Səsvermə Azərbaycanın bütün ərazisində, o cümlədən işğaldan azad edilmiş torpaqlar da daxil olmaqla, 6478 seçki məntəqəsində keçirilir. Birpalatalı parlamentdə 125 yer uğrunda 990 namizəd mübarizə aparır.
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
Rəy yaz