![Açiq mənbələrdən foto.](https://turan.az/resized/media/2023/main/092500067154-750-500-resize.webp)
Açiq mənbələrdən foto.
RF XİN Ermənistan hökumətini kəskin şəkildə tənqid edib
Bakı/25.09.23/Turan: Rusiya XİN 25 sentyabr tarixli bəyanatında Ermənistan baş nazirinin 24 sentyabr tarixli çıxışında Rusiyanı və Qarabağdakı sülhməramlıları Ermənistanın və Qarabağ ermənilərinin təhlükəsizliyinin təmin edilməsi öhdəliklərini yerinə yetirməməkdə ittiham etməsini kəskin şəkildə tənqid edib.
RF XİN bu ittihamları Rusiyaya qarşı "qəbuledilməz hücumlar" və "öz uğursuzluqlarına görə məsuliyyəti Moskvanın üzərinə atmaq cəhdi" adlandırıb.
XİN həmçinin Ermənistan hökumətini Qərbə doğru can atmaqda və Rusiya ilə əlaqələri pozmaqda ittiham edib.
Paşinyan 2022-ci il müharibəsinin ağır nəticələrində, RF, Ermənistan və Azərbaycan liderlərinin 2020-ci ilin noyabrında imzaladığı, "Dağlıq Qarabağın statusu haqqında məsələnin həllinin gələcək nəsillərə saxlanmasına dair centlemen sazişlərinin" pozulmasında təqsirlidir.
Daha sonra RF XİN Paşinyanı Dağlıq Qarabağ üzərində Azərbaycanın suverenliyini tanımaqda ittiham edib.
"Bu, 9 noyabr 2020-ci il tarixli üçtərəfli bəyanatın imzalandığı şərtləri, habelə Rusiya sülhməramlı kontingentinin vəziyyətini prinsipial olaraq dəyişdirib", deyə bəyanatda qeyd edilir.
Paşinyanın Azərbaycanla sərhədə KTMT missiyasının göndərilməsindən imtinası Ermənistanın təhlükəsizliyini möhkəmləndirməyə imkan verməyib.
"Rəsmi Yerevanın 9 noyabr 2020-ci il tarixindən sonra Qarabağda erməni hərbi birləşmələrinin mövcudluğunu israrla inkar etməsi də vəziyyəti gərginləşdirib, bu da sentyabrda sonuncu gərginliyin əsas səbəblərindən biri olub".
Ermənistan rəhbərliyinin qeyri-ardıcıl mövqeyi ilə əlaqədar sülh sazişini razılaşdırmaq, sərhədin delimitasiyası haqqında razılaşma əldə etmək və regional kommunikasiyaları açmaq mümkün olmayıb.
Moskva həmçinin Yerevanı Qarabağ ermənilərinin problemlərini həll etmək və Bakı ilə dialoq qurmaq istəməməkdə ittiham edir.
Bəyanatda həmçinin Yerevandakı etirazların təşəbbüskarının Moskva olduğu haqqında ittihamlar təkzib olunur.
"Əminik ki, Yerevan rəhbərliyi qəsdən Ermənistanın Rusiya ilə çoxtərəfli və çoxəsrlik əlaqələrini pozmağa çalışmaqla və ölkəni Qərbin geosiyasi oyunlarının girovuna çevirməklə böyük səhv edir", deyə bəyanatda qeyd edilir. 0
-
- Siyasət
- 25 Sentyabr 2023 17:52
Siyasət
-
8-i Democrat, 2-i Respublikaçı olmaqla 10 ABŞ senatorları - Chris Coons (Delaware), Tom Tillis (North Carolina), Ben Cardin (Maryland), John Cornyn (Texas), Dick Durbin (Illinois), Tim Kaine (Virginia), Cory Booker (New Jersey), Mazie Hirono (Hawaii), Alex Padilla (California) və John Fetterman (Pensylvania) bu gün aşağıdakı bəyanatı yayıb:
-
Azərbaycanda Rusiyanın Dövlət İnformasiya Agentliyinin - RİA-Novosti-nin saytı açılıb.
-
Milli Müdafiə Universitetində Azərbaycanda səfərdə olan Çin Xalq Azadlıq Ordusunun Hərbi Elmlər Akademiyasının nümayəndə heyəti ilə görüş keçirilib.
-
İyulun 23-də Moskvada RF və Azərbaycan XİN başçılarının müavinləri V.Qruşko və S.Şərifovun görüşü keçirilib.
Rəy yaz