![Riqada Aİ “Şərq Tərəfdaşlığı” media konfransı açılıb](https://turan.az/resized/750/500/resize/media/2019/main/111400023054.jpg)
Riqada Aİ “Şərq Tərəfdaşlığı” media konfransı açılıb
Riqa/14.11.19/Turan: Cümə axşamı Riqada Avropa Komissiyasının təşkil etdiyi "Şərq Tərəfdaşlığı Media Konfransı 2019: Biznes və Davamlılıq" öz işinə başlayıb.
Tədbir Avropa Xarici Əlaqələr Xidməti və Latviya Xarici İşlər Nazirliyi ilə birgə təşkil edilib. Konfrans “Şərq Tərəfdaşlığı” proqramının 10 illiyinə həsr olunmuş tədbirlər çərçivəsində keçirilir. Tədbirdə Aİ tərəfdaş ölkələrdən 100-dən çox nümayəndə iştirak edir.
Konfransda məqsəd bu ölkələrdə biznesin tətbiqinin daim dəyişməsi, media müxtəlifliyi şəraitində “Şərq Tərəfdaşlığı” ölkələrində müstəqil peşəkar jurnalistikanın maliyyə dayanıqlığına nail olmağın perspektivlərini müzakirə etməkdir. Bölgədəki qabaqcıl təcrübənin mübadiləsinə, həmçinin əməkdaşlığa və KİV-ə beynəlxalq dəstəyin effektivliyinin artırılması yollarına xüsusi diqqət yetiriləcək.
Konfrans təşkilatçıları hesab edirlər ki, bu gün KİV nümayəndələri auditoriyanın yaradılması və saxlanması üçün kreativlik və texnoloji nou-hau nümayiş etdirməlidirlər. Ekspertlər dezinformasiyanın asan və pulsuz əldə edildiyini qeyd edirlər. Konfrans təşkilatçıları əmindirlər ki, məhz bu şəraitdə müstəqil KİV-in ehtiyaclarını öyrənmək çox vacibdir.
“Bütün regiondan peşəkarlar arasında geniş qabaqcıl təcrübə mübadiləsi həll yollarının axtarışında mühüm addımdır. Odur ki, beynəlxalq donorlar üçün “Şərq Tərəfdaşlığı” ölkələrindən olan müxtəlif KİV-lərin uğurlu təcrübəsini diqqətlə dinləmək vacibdir”, - konfrans təşkilatçıları hesab edirlər.
Konfransın yekunlarına əsasən regionda KİV nümayəndələri və beynəlxalq donorlar üçün bir sıra xüsusi tövsiyələr hazırlanacaq.71D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz