Robert Köçəryan özünü Paşinyana qalib gələcək müxalifətin lideri kimi görür
Bakı/29.01.20/Turan: Ermənistanın keçmiş prezidenti, həbsdə olan Robert Köçəryan 2020-ci ildə Ermənistanda növbədənkənar parlament seçkilərinin keçiriləcəyini proqnozlaşdırıb. O hesab edir ki, ölkədə vahid müxalifət qüvvəsinin formalaşması bunu mümkün edəcək.
“Hadisələrin belə inkişaf etməsi ehtimalının olduqca yüksək olduğunu düşünürəm. Baş nazirin son eksentrik mətbuat konfransı yalnız prosesi sürətləndirir”, - o, “Yerevan today” nəşrinə müsahibəsində deyib.
R.Köçəryanın özünə gəlincə, hakimiyyət özü onu siyasətə qaytardı və həbsxanada saxlamaqla Paşinyanın “səriştəsiz idarəçiliyi”nə müqavimətin simvoluna çevirir.
“Tarix həbsxanalardan uğurlu siyasi mübarizəyə ilham verənlərlə bağlı çox nümunələr bilir. Yəqin ki, ölkənin milli kimliyimizi məhv edən rüsvayçı hakimiyyətdən qurtulmasında çox mühüm rol oynamaq mənə nəsib olub”, - “Azadlıq” radiosu R.Köçəryandan sitat gətirir.
Xatırladaq ki, R.Köçəryan 2008-ci il martın 1-də etiraz aksiyasının dağıdılması zamanı konstitusiya quruluşunu devirməkdə ittiham olunub. Həmin aksiya zamanı on nəfər həlak olub. 2018-ci ildə R.Köçəryan iki dəfə həbs olunub. 2019-cu il iyunun sonlarında üçüncü dəfə həbs olunub. Həm də Rusiya prezidenti Vladimir Putinin öz dostu adlandırdığı və müntəzəm olaraq doğum günü və Yeni il münasibətilə təbrik etdiyi R.Köçəryana toxunmamaq xahişinə baxmayaraq, bu həbs baş verib.-02D-
-
- İqtisadiyyat
- 29 Yanvar 2020 15:31
-
- İqtisadiyyat
- 29 Yanvar 2020 16:20
Siyasət
-
Yanvarın 29-da keçirilən bələdiyyə seçkilərində altı seçki məntəqəsinin nəticələri ləğv edilib.
-
"Bütün siyasi məhbusların azad olunmasını tələb edirik. Siyasi məhbusların sağlıq durumuna görə hakimiyyət məsuliyyət daşıyır", - fevralın 3-də Müsavat Partiyası Divanının (İdarə Heyəti) iclasında bildirilib.
-
Turan agentliyinin iqtisadiyyat şöbəsinin redaktoru Hafiz Babalanın Qafqazinfo.az İnternet- nəşrə qarşı iddiasına baxılması əsassız olaraq yubadılır. Babalı “Abzas Media” nəşrinin işi üzrə həbs edilib.
-
Dövlət başçısının sərəncamı ilə Rüfət Əzizov Azərbaycan Dövlət Neft və Sənaye Universitetinin rektoru təyin edilib.
Rəy yaz