Rusiya, Azərbaycan və Ermənistan baş nazir müavinlərinin görüşü yaxın vaxtlarda keçiriləcək

Bakı/31.05.23/Turan:  Rusiya, Azərbaycan və Ermənistan baş nazir müavinlərinin nəqliyyat kommunikasiyalarının açılması üzrə görüşü yaxın vaxtlarda keçiriləcək. Bu barədə Rusiya baş nazirinin müavini Aleksey Overçuk bildirib.

"Bu gün işçi qrupunun ən yaxın vaxtlarda görüşəcəyi barədə razılıq əldə olunub. Baxılacaq məsələlər Azərbaycan və Ermənistan arasında sərhəd kəsişməsilə əlaqədar texniki detallara aiddir. Söhbət sərhəddə pasport, gömrük və beynəlxalq sərhədlərdə mövcud olan bütün digər nəzarət növlərindən gedir ", - Overçuk İnterfaks-ın sualına cavabında deyib.

Onun sözlərinə görə, tərəflər Azərbaycanın qərb rayonları ilə Naxçıvan arasında dəmir yolu əlaqəsinin bərpasına "çox yaxınlaşıblar".

Həmçinin Ermənistan da Azərbaycan vasitəsilə Rusiya, eləcə də Naxçıvan vasitəsilə İranla dəmir yolu ilə əlaqə saxlamaq imkanı əldə edir, Overçuk qeyd edib 0