Rusiya Azərbaycanı Avrasiya İqtisadi İttifaqına çağırır

Rusiyanın iqtisadi inkişaf naziri Aleksey Ulyukayevin Bakıya bazar ertəsi başlayan üçgünlük səfəri kifayət qədər məhsuldar keçir.

Ulyukayev azərbaycanlı həmkarı Şahin Mustafayevlə görüşüb və iki ölkə arasında iqtisadi əməkdaşlıq perspektivlərini müzakirə edib. Rusiyalı nazir, öz növbəsində, onları strateji tərəfdaşlıq səviyyəsinə çıxarmağı təklif edib.

Aleksey Ulyukayev Azərbaycanı açıq-aşkar Avrasiya İqtisadi İttifaqında iştiraka çağıraraq, Azərbaycanın artıq azad ticarət zonasından istifadə etdiyini bildirib. Onun sözlərinə görə, bu istiqamətdə irəliləmək məntiqli olardı.

Azərbaycana ən azından Gömrük İttifaqına daxil olmaq təklif ediləcəyini gözləmək olar. Rusiya və Azərbaycan səfər çərçivəsində uzunmüddətli iqtisadi əməkdaşlıq haqqında saziş bağlamağa hazırlaşırlar. Başlanmış danışıqlar çərçivəsində iqtisadi münasibətlərdəki bəzi köhnə düyünlər də açılıb, Rusiya və Azərbaycan arasında uzun illərdir təxirə salınan investisiyaların qarşılıqlı müdafiəsi haqqında saziş imzalanacaq.

İqtisadi inkişaf naziri Şahin Mustafayev qeyd edib ki, yaxın 5-6 ildə Azərbaycan Rusiya iqtisadiyyatına 18 mlrd. dollar investisiya etməyə hazırlaşır. Bunun üçün artıq Rusiyanın “Rosneft” şirkəti və ARDNŞ arasında paritet əsaslarla birgə müəssisə yaradılması haqqında sazişlərdə, habelə Rusiya Sberbankı tərəfindən Azərbaycan layihələrinə kredit dəstəyinin güclənməsi ilə bünövrə qoyulub.

Bu gün Aleksey Ulyukayev Sumqayıt Texnoloji Parkına baş çəkib.

   Azərbaycan Rusiya üçün MDB dövlətləri arasında ən perspektivli 5 ticarət tərəfdaşından biridir. 2013-cü ilin yekunlarına görə, Rusiya-Azərbaycan ticarət dövriyyəsi 2012-ci illə müqayisədə 4% artaraq, 3,5 mlrd. dollardan çox təşkil edib. Bunun 2,9 mlrd. dolları Rusiyanın və 604 mln. dolları Azərbaycanın payına düşüb. -0-