Rusiya Bakı və Yerevanın sərhədlərin delimitasiyasını və demarkasiyasını davam etdirmək qərarını alqışlayır

Moskva Ermənistan və Azərbaycan arasında sərhədin delimitasiyası və demarkasiyası məsələsində yaxşı irəliləyiş olduğunu qeyd edir, bu barədə çərşənbə günü RF-nin baş naziri Aleksey Overçuk jurnalistlərə bildirib.

Rusiya Yerevan və Bakının iki ölkənin sərhədlərinin Gürcüstanla birləşdiyi yerdən başlayaraq, cənub istiqamətində delimitasiya və demarkasiya prosesinə başlamaq haqqında razılaşmasını alqışlayır.

"Çox böyük, yaxşı irəliləyiş əldə olunub. Sərhədin bir hissəsinin delimitasiya və demarkasiyası həyata keçirilib. İki ölkənin baş nazir müavinləri Mqer Qriqoryan və Şahin Mustafayev bu yaxınlarda görüşüblər və şimaldan cənuba doğru delimitasiyaya və demarkasiyaya başlamaq haqqında razılığa gəliblər", deyə RF baş nazirinin müavini bildirib.

Rusiya, Ermənistan və Azərbaycanın regionda nizamlama üzrə üçtərəfli qrupu haqqında danışan nazir müavini işin dayandırılması haqqında formal qərar qəbul olunmadığını deyib. "Formal olaraq onu heç kim dayandırmayıb. Biz vaxtaşırı bu mövzuda danışırıq, amma üçtərəfli formatda deyil, təkbətək", deyə RF baş nazirinin müavini qeyd edib.