Açiq mənbələrdən foto.
Bakı/14.08.23/Turan: Bazar günü, avqustun 13-də Qara dənizdə Rusiya hərbi gəmisi xəbərdarlıq atəşi açıb və hərbçilər Ukraynaya gedən yük gəmisinə enib.
Rusiya Müdafiə Nazirliyi bildirib ki, Palau bayrağı altında yük daşıyan gəminin kapitanı yoxlama üçün dayanma tələbinə cavab vermədikdə Rusiyanın "Vasili Bıkov" gəmisi xəbərdarlıq atəşi açıb.
"Şükrü Okkan" quru yük gəmisini yoxlamaq üçün bir qrup rus hərbçi ilə birlikdə "Ka-29" helikopteri göndərilib. Yoxlama zamanı gəmidə silah aşkar edilməyib.
Xatırladaq ki, bir qədər əvvəl Rusiya Taxıl Sazişindən çıxdığını bəyan etdi və Ukrayna limanlarına gedən bütün gəmiləri yoxlayacağı barədə xəbərdarlıq etmişdi.
Bu hadisə mətbuatda geniş əks-səda doğurub, çünki “Şükrü Okkan” gəmisinin Türkiyəyə məxsus olduğu güman edilirdi və hamı Ankaradan sərt reaksiya gözləyirdi. 0
Siyasət
-
Rusiyalı müstəntiqlər, Azərbaycan Hava Yolları (AZAL) tərəfindən idarə olunan 8243 saylı reysin qəzasının raket zərbəsi nəticəsində baş verdiyini təsdiqləyiblər. Bu barədə istintaqa yaxın mənbələrin yeni məlumatlarına istinadən Azərbaycan hökumətyönlü nəşri AnewZ xəbər verir.
-
Azərbaycanın özəl yayım kanalı Baku TV çərşənbə günü efirdə “Rus Evi”ni mədəni və humanitar fəaliyyət adı altında anti-Azərbaycan casusluq fəaliyyəti ilə məşğul olmaqda ittiham edən reportaj yayımlayıb. Reportajda “etibarlı mənbələr”ə istinad edilib, lakin mənbələrin kimliyi açıqlanmayıb. İddialara görə, Rusiya mədəniyyət mərkəzi milli ziddiyyətləri qızışdırır və kəşfiyyat fəaliyyəti üçün baza rolunu oynayır.
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
Rəy yaz