![Rusiya Müdafiə Nazirliyi Azərbaycan Silahlı Qüvvələrini ittiham edib](https://turan.az/resized/media/2022/main/032600042305-750-500-resize.webp)
Rusiya Müdafiə Nazirliyi Azərbaycan Silahlı Qüvvələrini ittiham edib
Bakı/26.03.22/Turan: Rusiya Müdafiə Nazirliyi şənbə günü kəskin bəyanatla çıxış edərək Azərbaycan Silahlı Qüvvələrini Azərbaycan, Rusiya və Ermənistan liderlərinin 2020-ci il noyabr tarixli üçtərəfli bəyanatını pozmaqda ittiham edib.
“Azərbaycan Respublikasının silahlı qüvvələri martın 24-dən 25-dək Rusiya, Azərbaycan və Ermənistan liderlərinin 9 noyabr 2020-ci il tarixli üçtərəfli bəyanatının müddəalarını pozaraq, Rusiya sülhməramlı kontingentinin məsuliyyət zonasına daxil olub.
“Bayraktar TB-2” tipli pilotsuz uçuş aparatı ilə Dağlıq Qarabağın silahlı birləşmələrinin Furux kəndi yaxınlıgındaki bölmələrinə 4 zərbə endirilib”, - məlumatda deyilir.
Rusiya Müdafiə Nazirliyinin bülletenində deyilir ki, Rusiyanın Dağlıq Qarabağdakı sülhməramlı kontingentinin komandanlığı gərginləşmiş vəziyyətin həlli üçün tədbirlər görür.
"Hazırda Rusiya sülhməramlı kontingentinin komandanlığı vəziyyətin həlli və qoşunların ilkin mövqelərinə qaytarılması üçün tədbirlər görür. Qoşunların çıxarılması üçün Azərbaycan tərəfinə müraciət göndərilib", - bülletendə deyilir.
Azərbaycanın Müdafiə Nazirliyi və Xarici İşlər Nazirliyi hələlik bu açıqlamaya münasibət bildirməyib. -02B-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz