Rusiya Ukrayna ilə sərhədə qoşun toplayır
Ukraynanın şərqində Ukrayna-Rusiya dövlət sərhəddində Rusiya Silahlı Qüvvələrinin bölmələri fəallaşıb. Bu barədə Ukrayna XİN İnformasiya Siyasəti Departamentinin direktoru Yevgeni Perebıynis cümə günü brifinqdə bildirib.
O qeyd edib ki, hazırda vəziyyət ciddi dəyişməyib. Rusiya SQ-nin Ukrayna sərhəddi boyunca manevr etməsi davam edir. Belə ki, dünən Rostovdan Ukrayna dövlət sərhəddinə doğru Donetsk vilayəti sahəsində 50 ZTR, 6 tank, 8 “Qrad” qurğusu və 300 hərbi avtomobilin hərəkət etdiyi müşahidə olunub.
Perebıynisin sözlərinə görə, Rusiya tərəfi Ukrayna vətəndaşlarının “Qukovo” sərhəd məntəqəsinə buraxılmasını dayandırıb.
Bu gün Almaniya kansleri Angela Merkel RF prezident Vladimir Putinlə telefonla danışıb.
UNİAN bildirib ki, Merkel Putini separatçılara müraciət edərək onları silahı yerə qoymağa çağırıb.
Merkel Rusiyanın Cenevrə razılaşmasına əməl edəcəyini gözlədiyini bildirib, lakin bu, baş tutmayıb.
“Dəyişiklik olmasa, Rusiya yeni sanksiyalara hazır olmalıdır”, - kanslerin nümayəndəsi Şeybert qeyd edib.
O həmçinin deyib ki, Ukraynadakı ATƏT müşahidəçi missiyasının dəstəyə ehtiyacı var. Lakin cümə günü əlaqə itib. Missiya üzvlərinin separatçılar tərəfindən tutulması güman olunur.-02D-.
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz