Azərbaycanda Rusiya vətəndaşlarının müvəqqəti qalma müddəti ilə bağlı qaydalara dəyişiklik edilib. Azərbaycanın baş naziri Əli Əsədovun dekabrın 29-da imzaladığı sərəncama əsasən, bundan sonra Rusiya vətəndaşları bir təqvim ili ərzində ölkədə 90 gündən artıq qala bilməzlər.
Qərar 2025-ci il yanvarın 1-dən qüvvəyə minir.
Azərbaycan tərəfi “müvəqqəti qalma və miqrasiya məsələlərində paritet və qarşılıqlılıq prinsipindən” çıxış edərək bu addımı atıb, deyə Azərbaycan Xarici İşlər Nazirliyindən bildiriblər.
Dekabrın 26-da Rusiya Xarici İşlər Nazirliyi bəyan edib ki, 2025-ci il yanvarın 1-dən ölkəyə vizasız gələn əcnəbinin Rusiyada müvəqqəti qalma müddəti bir təqvim ili ərzində ümumilikdə 90 gündən çox ola bilməz.
Bundan öncə RF vətəndaşları Azərbaycan ərazisində ildə 180 gündən çox qala bilməzdilər.
Siyasət
-
Yanvarın 16-da Azərbaycan və Ermənistan arasında dövlət sərhədinin delimitasiyası üzrə Dövlət Komissiyasının və Ermənistanı ilə Azərbaycan arasında dövlət sərhədinin delimitasiyası və sərhəd təhlükəsizliyi məsələləri üzrə Komissiyanın 11-ci görüşündə Azərbaycanla Ermənistan arasında sərhədlərin delimitasiyası istiqamətləri müəyyən edilib. Bu barədə Azərbaycanın Ermənistanla sərhədin delimitasiyası və demarkasiyası üzrə Dövlət Komissiyasının məlumatında deyilir.
-
“USAİD-in 2024-cü il 1 iyul tarixindən Azərbaycanda fəaliyyət göstərməsi de-yure mümkün deyil”, - Azərbaycanın xarici işlər naziri Ceyhun Bayramov bugünkü mətbuat konfransında bildirib.
-
Azərbaycan və Gürcüstan hər zaman regionda sülhün və sabitliyin tərəfdarı olublar,- cümə axşamı Gürcüstanın xarici işlər naziri Maka Boçorişvili Azərbaycanın xarici işlər naziri Ceyhun Bayramov ilə birgə keçirdiyi mətbuat konfransında bildirib.
-
Azərbaycan Xalq Cəbhəsi Partiyası Lənkəran şöbəsinin fəalı Ramil Eynəliyev "polisə tabe olmamaq" ittihamı ilə inzibati qaydada 30 sutka həbs edilib.
Rəy yaz