Açiq mənbələrdən foto.
Rusiya Xarici İşlər Nazirliyi: Qarabağdakı Rusiya sülhməramlılarına Birləşmiş Millətlər Təşkilatının mandatı lazım deyil
Bakı/08.02.23/Turan: Dağlıq Qarabağda Rusiya sülhməramlılarına Birləşmiş Millətlər Təşkilatının mandatını verməyə ehtiyac yoxdur. Bu barədə Rusiya Xarici İşlər Nazirliyinin Beynəlxalq Təşkilatlar Departamentinin direktoru Pyotr İliçev RİA Novosti-yə bildirib.
"Dağlıq Qarabağ münaqişəsi zonasında sabitliyin saxlanmasının yeganə qarantı Rusiya sülhməramlı kontingenti olaraq qalır. Ona Birləşmiş Millətlər Təşkilatının mandatını verməyə gərək yoxdur, çünki sülhməramlılarımızın fəaliyyəti Rusiya, Azərbaycan və Ermənistan liderlərinin 9 noyabr 2020-ci il tarixli ilk üçtərəfli bəyanatında aydın şəkildə əksini tapıb. Bununla bağlı mübahisə iştirakçıları arasında konsensus müşahidə olunur və bu fakt burada əsas xarakter daşıyır", - diplomat deyib.
Onun sözlərinə görə, xüsusilə qeyd etmək lazımdır ki, "Rusiya sülhməramlılarının fəaliyyəti həm Bakıda, həm də Yerevanda dəstəklənir ki, bu da ərazinin yekun statusunun qeyri-müəyyənliyi şəraitində mühüm əhəmiyyət kəsb edir". 02D
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz