Maria Zakharova.
Rusiya XİN BMT-nin qiymətləndirmə missiyasının Dağlıq Qarabağa göndərilməsi, hərbi əsirlər və ATƏT-in Minsk Qrupu barədə
Moskva/29.01.21/Turan: Dağlıq Qarabağ münaqişə zonasında vəziyyətin sabitləşməsinə nail olunduqca, ehtiyacı olanlara və zərərçəkənlərə kompleks humanitar yardımın göstərilməsi məsələləri ön plana çıxır. Bu barədə RF XİN nümayəndəsi Mariya Zaxarova yanvarın 28-də brifinqdə bildirib.
Rusiya BMT-nin ixtisaslaşmış agentlikləri də daxil olmaqla, uyğun beynəlxalq qurumların prosesə qoşulmasını faydalı hesab edir. O deyib ki, hazırda Dağlıq Qarabağa kompleks qiymətləndirmə missiyasının göndərilməsi Azərbaycan və Ermənistan tərəfləri ilə razılaşdırılır.
Rusiya mütəxəssisləri və sülhməramlılarının köməyilə 14 noyabr 2020-ci il tarixindən 51 400-dən çox qaçqın yaşayış yerlərinə qayıdıb; Ermənistan və Azərbaycan tərəflərinə 1 532 cəsədin verilməsi baş tutub; 750 hektara yaxın ərazi və 230 km.-dən çox yol minadan təmizlənib, 24 min partlayıcı əşya zərərsizləşdirilib; elektrik təchizatı sistemi tamamilə bərpa edilib; təxminən 1 300 sakin tibbi yardım alıb.
Əsirlərin dəyişdirilməsi ilə bağlı vəziyyətə dair sualın cavabında Zaxarova deyib ki, Rusiya Dağlıq Qarabağdakı sülhməramlı kontingenti vasitəsilə bu məsələlərə yardım göstərir. Bu problemin həllinin optimal variantı əsirlərin "hamının hamıya" formulu üzrə mübadiləsidir.
Qarabağda humanitar mərkəzə beynəlxalq statusun verilməsi prosesi hansı mərhələdədir ? Bu sualın cavabında Zaxarova deyib ki, Dağlıq Qarabağ və ətraf rayonların sakinlərinə humanitar yardımın göstərilməsi ilə bağlı hər şey Rusiya FHN-in tabeliyindədir.
Rusiya qurumları Beynəlxalq Humanitar Reaksiya Mərkəzinin fəaliyyətilə əlaqədar Ermənistan, Azərbaycan tərəfləri ilə sıx çalışır.
M.Zaxarova həmçinin bildirib ki, ATƏT-in Minsk Qrupu regiona səfərə hazırlaşır. Səfərin gündəliyi və vaxtı tərəflərlə razılaşdırılır. Hələlik belə səfərin tarixi müəyyənləşdirilməyib.-02D-
Siyasət
-
Möhkəm nəzarət olunan seçki mühitində Azərbaycanda keçirilən növbədənkənar parlament seçkiləri yerli vaxtla saat 19:00-da başa çatdı və günorta saatlarına qədər seçicilərin cəmi 34%-i səs verdi. Azərbaycanda seçki qanunlarında minimum seçici iştirak səviyyəsinin olmaması bu səviyyədə iştirakın nəticələrin qüvvədə sayılması üçün kifayət olduğunu göstərir.
-
Sentyabrın 1-də keçirilən növbədənkənar parlament seçkilərində Azərbaycan Prezidenti İlham Əliyevin rəhbəri olduğu Yeni Azərbaycan Partiyası (YAP) ekzit-poll nəticələrinə əsasən Milli Məclisdə yebidən mütləq çoxluğa malik olacaq.
-
Sentyabrın 1-də Azercell mobil operatorunun mobil interneti vasitəsilə naməlum səbəblərdən Turan agentliyinin saytına daxil olmaq mümkün deyil.
-
Məlimatda deyilir, ki 94 saylı Ucar seçki dairəsinin 2, 4, 9 cu seçki məntəüələrində “ karusel” əməliyyatını “onbaşı” və “yüzbaşı” lar həyata keçirir. Prosesə din xadimləri də cəlb edilib. “Karusel” əməliyyatına etraz edən Müsavat Partiyasının deputatlığa namizədi Zakir İsmayıl polislə hədələnib.
Rəy yaz