Açiq mənbələrdən foto.
Bakı/24.04.23/Turan: "Dağlıq Qarabağda Rusiya sülhməramlı kontingentinin (RSK) məsuliyyət zonasında, Ermənistan-Azərbaycan təmas xəttində, habelə rəsmi Bakı və Yerevan arasındakı dialoqdakı vəziyyətdən ciddi narahatlığımızı bildiririk", bu barədə RF XİN-in 24 aprel tarixli şərhində deyilir.
"Atəşkəs rejiminin pozulmasının və müxtəlif növ insidentlərin sayının artdığını, bunun nəticəsində hər iki tərəfdən müntəzəm olaraq itkilər olduğunu həddindən artıq narahatlıqla qeyd edirik. Azərbaycan və Ermənistanın ictimai məkanında ittiham xarakterli və aqressiv ritorikanın artmasını da çox təhlükəli hesab edirik.
Aprelin 23-də hadisələrin son inkişafı kontekstində Rusiya, Azərbaycan və Ermənistan liderlərinin 9 noyabr 2020-ci il tarixli üçtərəfli bəyanatının əsas müddəalarının pozulmasına yönəlmiş istənilən birtərəfli addımın qəbuledilməz olduğunu qeyd edirik. Həmin sənəddə Laçın dəhlizinin fəaliyyət rejiminin razılaşdırılmadan dəyişdirilməsindən və ya ondan sülh gündəliyinə uyğun olmayan məqsədlərlə istifadə cəhdlərindən bəhs edilir", deyə şərhdə bildirilir.
"Tərəfləri dərhal mövcud razılaşmalara qayıtmağa çağırırıq. İstənilən halda yerli əhalinin əziyyət çəkməməli olduğuna və onun həyat fəaliyyətinə heç bir maneə yaradılmamalı olduğuna əsaslanırıq.
Hesab edirik ki, yaranan bir çox problemlər danışıqlar prosesində aylardır davam edən durğunluğun və Rusiya, Azərbaycan və Ermənistan liderlərinin üçtərəfli razılaşmalarının əsas məqamlarında, o cümlədən regionda nəqliyyat əlaqələrinin açılması, Ermənistan-Azərbaycan sərhədinin delimitasiyası prosesinin başlaması, Azərbaycan və Ermənistan arasında sülh müqaviləsinin parametrlərinin razılaşdırılması məsələlərində irəliləyiş olmamasının nəticəsidir. Bakı və Yerevanın siyasi iradə nümayiş etdirəcəyinə və yaxın gələcəkdə bu mənfi dinamikanı aradan qaldıra biləcəklərinə ümid edirik.
Rusiya tərəfi ona yaxın olan Azərbaycana və Ermənistana həm siyasi səviyyədə, həm də "yerdə" - RSK komandanlığının iştirakı ilə lazımi dəstəyi göstərməyə hazırdır.
Həmçinin, xarici Qərb oyunçularını və onların fürsətçi gündəliyi əsasında işləyən rusofob elementləri vəziyyəti, o cümlədən Rusiyanın ünvanına qarayaxma kampaniyası həyata keçirməklə gərginləşdirmək cəhdlərindən çəkinməyə çağırırıq", deyə şərhdə qeyd edilir. 02D
Siyasət
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
-
Noyabrın 22-də Bakıda COP29-un keçirildiyi məkanda beynəlxalq fəallardan ibarət bir qrup "İnsan hüquqları yavaş-yavaş ölür" şüarı altında aksiya keçiriblər.
Rəy yaz