"Rusiya zərərin əvəzini ödəməlidir": Avstraliya və ABŞ Moskvanı Ukraynadan "dərhal çıxmağa" çağırıblar
"Rusiya zərərin əvəzini ödəməlidir": Avstraliya və ABŞ Moskvanı Ukraynadan "dərhal çıxmağa" çağırıblar
Çərşənbə axşamı ABŞ və Avstraliya Rusiyanı Ukraynaya vurduğu zərərin əvəzini ödəməyə çağırıb və beynəlxalq hüquqa uyğun olaraq Moskvanın bbunu etmək öhdəliyini qeyd edib.
Çərşənbə axşamı Vaşinqton və Kanberradan müdafiə və diplomatiya sahəsində yüksək vəzifəli şəxslər ümumi təhlükəsizlik məsələlərini müzakirə etmək üçün Annapolisdə Avstraliya və ABS arasında illik danışıqlarda (AUSMİN) görüşüblər, Turan-ın Vaşinqton müxbiri bildirib.
"Biz Ukraynanın müdafiəsi üzrə Avstraliyanın öhdəliyini dərindən qiymətləndiririk", - dövlət katibi Entoni Blinken görüşü açarkən deyib. Avstraliya Ukraynanın NATO üzvü olmayan ən böyük hərbi sponsorudur, onu hava hücumundan müdafiə vasitələrilə təmin edir və Böyük Britaniyadakı Ukrayna personalının təlim keçməsinə kömək edir, o deyib.
Hər iki ölkə Moskvanı Birləşmiş Millətlər Təşkilatı Nizamnaməsinə uyğun olaraq ədalətli və davamlı sülhə nail olmağın zəruriliyini təsdiq edərək qoşunlarını dərhal, tamamilə və qeyd-şərtsiz Ukraynadan çıxarmağa çağırıb.
Rusiyaya, təsiri olan hər kəs, xüsusilə Çin müharibəyə son qoymaq və Rusiyanın müdafiə-sənaye bazasına dəstəyi dayandırmaq üçün dərhal səy göstərməlidir. Rusiyanın qanunsuz müharibəsini dəstəkləyənlər nəticələrlə üzləşəcəklər,- birgə bəyanatda deyilir.
Nazirlər həmçinin İranın nüvə ekspansiyasını, ballistik raketlərin yayılmasını və Ukraynaya qarşı müharibədə istifadə üçün Rusiyaya pilotsuz təyyarələrin göndərilməsini pisləyiblər.
Görüşdən sonra jurnalistlərin qarşısında çıxış edən Blinken Yaxın Şərqdəki böhrana da toxunub. O deyib ki, ABŞ İran və İsrailə bildirib ki, bölgədəki münaqişə kəskinləşməməlidir. "Biz müttəfiqlərlə və tərəfdaşlarla intensiv diplomatiya apardıq, bu məlumatları birbaşa İrana və İsrailə çatdırdıq", - o deyib.
Regiondakı hər kəs eskalasiya riskini anlamalıdır. Heç kim bunu proqnozlaşdıra və tam nəzarət edə bilməz. Blinken öz çıxışını tamamlayarkən deyib ki, Qəzza müharibəsində atəşkəs sazişinə və girovların azad edilməsinə nail olmaq üzrə danışıqlar final mərhələdədir və çox yaxında başa çatmalıdır.
-
- Böyük Şərq
- 7 Avqust 2024 11:01
-
- Cəmiyyət
- 7 Avqust 2024 11:20
Siyasət
-
Avqustun 8-də Ukrayna Silahlı Qüvvələri Rusiyanın Kursk vilayətinə qarşı hücumunu inamla davam etdirib. Müstəqil mənbələrin axşama olan məlumatına görə, ukraynalılar bu gün daha 10-15 km irəliləyib, Kromskie Bıki kəndinə çatıblar.
-
Cümə axşamı Bakı Ağır Cinayətlər Məhkəməsində hakim Azər Tağıyevin sədrliyi ilə narkotik ittihamı ilə həbs edilən ictimai fəal İlhamiz Quliyevin cinayət işi üzrə məhkəmə prosesi davam etdirilib.
-
Azərbaycan prezidenti İlham Əliyev Mərkəzi Asiya dövlət başçılarının VI Məşvərət Görüşündə iştirak edəcək bu gün Astanaya səfər edib, deyə Qazaxıstan KİV-i xəbər verir.
-
Bakı Ağır Cinayətlər Məhkəməsində iqtisadçı Fazil Qasımovun cinayət işi üzrə hazırlıq iclası avqustun 15-nə təyin edilib.
Rəy yaz