Rusiyada Mi-24 təyyarəsinin vurulması faktı üzrə cinayət işi qaldırılıb

Moskva/13.11.20/Turan: Rusiyalı müstəntiqlər noyabrın 9-da Ermənistanda Mi-24 vurulması ilə bağlı cinayət iş qaldırıb. "RF CM-in 351-ci maddəsi (uçuş və ya onlara hazırlıq qaydalarının pozulması) ilə cinayət işi başlanılıb", -  məlumatlı mənbə "İnterfaks" agentliyinə bildirib.

O dəqiqləşdirib ki, hazırda Rusiya hərbi müstəntiqləri Ermənistan və Azərbaycandan olan həmkarları ilə birlikdə "ilkin istintaq hərəkətlərini aparırlar". Onlar hadisə yerinə baxıblar, bir neçə ekspertiza, o cümlədən uçuş-texniki ekspertiza təyin ediblər.

Mənbə bildirib ki, “işin istintaqı zamanı, ehtimal ki, o, daha ağır maddələrə tövsif ediləcək”".

RF CM-in 351-ci maddəsi yeddi ilədək azadlıqdan məhrumetmə cəzası nəzərdə tutur. Araşdırma Gümrüdəki Rusiya bazasınını hərbi müstəntiqləri tərəfindən aparılır.

Cinayət işinin qaldırıldığı maddəni nəzərə alaraq, Rusiya hərbçilərinin də müəyyən günahı var, onlar vertolyotun uçuşunun təşkili zamanı uçuş qaydalarının pozulmasına yol veriblər.

Mi-24 ötən bazar ertəsi Ermənistanın hava məkanında, Azərbaycan sərhəddindən təxminən bir kilometr məsafədə vurulub.

İki rusiyalı hərbçi həlak olub, daha bir nəfər yaralanıb. Hadisə noyabrın 9-da təxminən saat 18:30-da (Moskva vaxtı ilə 17:30) baş verib. Vertolyot Ermənistan ərazisindəki 102-ci Rusiya hərbi bazasının avtokolonunu Naxçıvan Muxtar Respublikası (Azərbaycan) sərhəddinin yaxınlığında Yerasx yaşayış məntəqəsinin yanında müşayiət edib.

Lakin vertolyot aşağı hündürlükdə uçub və radarların nəzarətindən kənarda olub. Azərbaycan tərəfi onun sərhəddində uçuş barədə xəbərdar etməyib.

Azərbaycan XİN bildirib ki, Ermənistan ərazisi üzərində Mi-24 Azərbaycan hərbçiləri tərəfindən təsadüfən vurulub. Azərbaycan tərəfi bildirib ki, müvafiq kompensasiya ödəməyə hazırdır. Azərbaycan da Rusiyanın Mi-24 təyyarəsinin vurulması ilə bağlı səhlənkarlıq maddəsi üzrə cinayət işi qaldırıb. -02D-