Rusiyada RFnı Qarabağın hesabına genişləndirməyə çağıran partiya özünü bəyan edib

Bakı/26.03.21/Turan:  "Ədalətli Rusiya- Vətənpərvərlik" partiyasının proqramına Rusiya ərazisinin Donbass və Dağlıq Qarabağ hesabına genişləndirilməsi tezisi daxil olacaq. Bu barədə partiyanın mərkəzi aparatı rəhbərinin müavini Nikolay Noviçkov bildirib.

Partiyaya Dövlət Dumasında "Ədalətli Rusiya" fraksiyasının lideri Sergey Mironov rəhbərlik edir.

Noviçkovun sözlərinə görə, Ermənistan və Azərbaycan arasında Dağlıq Qarabağ ilə bağlı münaqişə başlayanda partiya nümayəndələri tanınmayan respublika sakinlərinə müraciət edib. "Münaqişəni birdəfəlik həll etməyin yeganə yolu Rusiya Federasiyasına qoşulmaqdır. Başqa bir yol yoxdur, digər hər şey simulyakrdır ".

Ötən həftənin sonunda Xankəndi şəhərində Dağlıq Qarabağ Rus Icması Şurasının müharibə başa çatdıqdan sonra ilk iclası keçirilib. Qarabağdakı ən böyük milli azlıqların nümayəndələri Azərbaycan əleyhinə bəyanat verərək, onların sözlərinə görə, Qarabağ ermənilərini rus mənəvi irsinin məhv edilməsində ittiham etmək üçün "Azərbaycanın rus amilindən istifadə etməsinə" qarşı çıxıblar. Xatırladaq ki, Qarabağın erməni ordusundan azad edilməsindən sonra orada rus pravoslav məbədlərinin dağıdılması və onların erməni monofizit kilsələrinə çevrilməsi faktları aşkar edilmişdir.

Martın 25-də isə qondarma "Qarabağ parlamenti" ermənilərin nəzarətində olan ərazidə rus dilinə status verdi, ərizəçi erməni dilini bilmirsə, bu dildə iş aparmağa icazə verdi.

Bir yarım min rusun yaşadığı Qarabağın rus icması Qarabağda yerləşən sülhməramlıların komandanlığı ilə əməkdaşlıq edir. Ermənistan mətbuatı xəbər verir ki, rus icması və RF hərbciləri birgə tədbirlər, o cümlədən xeyriyyə və humanitar tədbirlər həyata keçirilir.--0--