Rusiyalı politoloq Putinin Bakıya səfəri barədə

Yerevan/13.08.13/Turan-Armİnfo: Cənubi Qafqazda Rusiyaya uyğun yeni strategiyaya keçid barədə danışmaq hələlik tezdir. Əgər Gürcüstanla vəziyyət qısamüddətli perspektiv üçün az və ya çox bəlli olsa da, Azərbaycan və Ermənistanla bağlı tam aydınlıq hələlik yoxdur. Bu barədə “Şimal-Cənub” Siyasi Mərkəzinin (Moskva) icraçı direktoru Aleksey Vlasov “Vladimir Putinin Azərbaycana səfəri Moskvanın ölkəyə və ümumilikdə regiona qarşı yeni strategiyasının başlanğıcı deməkdirmi?” sualına cavabında bildirib. 

“Kreml Aİ və Ermənistan arasında dərinləşdirilmiş və hərtərəfli azad ticarət zonası haqda saziş xətti ilə bağlı Yerevanın  hərəkətlərindən qıcıqlanıb və bu qıcıqlanmanı” Bakıya “prioritet” səfərlə  tarazlaşdırır. Lakin Azərbaycanla tam yaxınlaşma üçün fundamental zəmin yoxdur”, - ekspert vurğulayıb.

Vlasovun fikrincə, energetika və hərbi-texniki sahədə Bakı ilə tərəfdaşlığa doğru balansı ciddi irəlilətmək olar. Amma hələlik bu addımlar heç də əvvəlki prioritetlərə son qoyulması demək deyil. “Mənə belə gəlir ki, Putin bu suala özü cavab tapmaq qərarına gəlib - Who is mister Aliev? - Vlasov yekunlaşdırıb. 

Ötən həftə Aİ və Ermənistan arasında dərinləşdirilmiş və hərtərəfli azad ticarət zonası haqda sazişlə bağlı danışıqlar başa çatıb. Saziş Aİ və “Şərq tərəfdaşlığı” ölkələri arasında assosiasiya haqqında müqavilənin tərkib hissəsidir. Yekun kommünikedə bildirlib ki, azad ticarət zonası Aİ və Ermənistan azasında ticari-iqtisadi münasibətlərdə oyun qaydalarının harmonlaşdırılması yolunda mühüm addım olacaq, Ermənistan mallarının Aİ bazarlarına çıxışı üçün şərtləri sadələşdirəcək.  -02D-