Bakı/21.04.22/Turan: "Lukoyl" neft şirkətinin prezidenti Vahid Ələkbərov şirkətin prezidentliyi vəzifəsini tərk edib və Direktorlar Şurasına üzvlükdən imtina edib. Bu barədə şirkətin saytında yer alan məlumatda bildirilir.
Ələkbərov "Lukoyl"da səhmlərin 3,12%-nə sahib idi, o, həmçinin şirkətin səhmlərinin 5,43%-i üzrə səs hüququna malik olmadan, onların benefisiarı idi.
Forbes-in versiyasına görə, 2021-ci ilin aprel ayı ərzində Rusiyanın ən zəngin biznesmenləri reytinqində Ələkbərov 25 mlrd. dollara yaxın sərvətlə dördüncü yeri tuturdu.
Qərbin Ukraynaya qarşı hərbi təcavüzlə əlaqədar sanksiyalar tətbiq etməsindən sonra Ələkbərov 10 mlrd. dollardan çox vəsait itirib.
Ələkbərov 1 sentyabr 1950-ci il tarixində Bakıda dünyaya gəlib. Bakının neft müəssisələrində sıravi mühəndis kimi işə başlayıb. Daha sonra Rusiyaya köçüb və Sibirdə işləyib. "Koqalımneftqaz"ın (1987-1990) baş direktoru, daha sonra isə SSRİ-nin neft-qaz sənayesi nazirinin birinci müavini olub (1991-1992).
1992-ci ildə Rusiyanın ən böyük neft şirkəti olan "LUKOYL"u qurub.
"Spartak" futbol klububbnun (Moskva) səhmlərinin 36,8%-nin sahibidir. -02D-
Siyasət
-
"Bu gün səfir Mark Libby başda olmaqla, ABŞ səfirliyinin əməkdaşları Nyu-Yorkda 11 sentyabr hücumlarında həlak olmuş 2977 günahsız insanın xatirəsini yad etmək üçün toplaşıblar.
-
Sentyabrın 11-də Bakı Ağır Cinayətlər Məhkəməsində Kanal-11-in rəhbəri Teymur Kərimovun işi üzrə prosesdə zərərçəkmiş Leyla Almaszadənin ifadəsi dinlənilib.
-
"Biz, aşağıda imzaları olan vətəndaş cəmiyyəti təşkilatları, hərəkatlar, qruplar və ayrı-ayrı şəxslər, BMT-nin 11-22 noyabr 2024-cü il tarixlərində Bakıda keçiriləcək İqlim Konfransı (COP29) ərəfəsində Azərbaycanda insan hüquqları ilə bağlı ciddi problemlərin həll edilməsi zərurətini vurğulayırıq", bu barədə 30 beynəlxalq hüquq müdafiə təşkilatının birgə bəyanatında deyilir.
-
Sentyabrın 13-də Bakının Nərimanov Rayon Məhkəməsində hakim Xalidə Əlisoyun sədrliyi ilə Müsavat Partiyasının "Qafqazinfo" xəbər portalına qarşı iddiası üzrə məhkəmə prosesi başlayacaq.
Rəy yaz