Azərbaycan Xalq Cəbhəsi Partiyasının üzvü Ruslan Əmirov Nərimanov Rayon Məhkəməsinin qərarı ilə İnzibati Xətalar Məcəlləsinin 211-ci maddəsi ilə 30 sutka müddətinə inzibati qaydada həbs olunub.
Bu barədə AXCP-dən məlumat verildi.
Partiyadan Əmirovun həbsini siyasi sifariş adlandırıblar.
* * *
2020 Aprel 09 (Cümə axşamı) 19:24:21
AXCP: Ruslan Əmirov saxlanıb
Bugün, aprelin 9-da Azərbaycan Xalq Cəbhəsi Partiyasının (AXCP) üzvü Ruslan Əmirovu polisin saxladığı deyilir. Bu barədə Turana AXCP-dən məlumat verilib.
Məlumata görə, R.Əmirovu tibb mərkəzlərinin birinin yanında saxlayıblar: "Uşağı həkimə aparıb. Elə uşağının yanında saxlayıblar. Uşağı qohumu yanına, Ruslanın özünü isə polis bölməsinə aparıblar".
Partiyadan R.Əmirlinin saxlanılmasını onun siyasi fəaliyyəti ilə əlaqələndirirlər.
Bakı Şəhər Baş Polis İdarəsinin mətbuat xidmətinin rəhbəri Elşad Hacıyev isə "Turan" agentliyinə söyləyib ki, bu deyilənlər barədə heç bir məlumata malik deyil.
Elə bugün, AXCP-nin başqa bir fəalı - Faiq Əmirlinin də İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsi ilə 30 sutka inzibati həbs edildiyi bildirilib.
Partiyadan hesab edirlər ki, hakimiyyət koronavirusla bağlı karantin rejimindən müxalif insanları cəzalandırmaq üçün istifadə edir. Rəsmilər isə bu ittihamı qəbul etmirlər.-0-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz