Saatlı rayonunun Gomuşlu kənd sakini Ruslan Əhmədov bu gün Saatlı rayon polis şöbəsində döyülüb. Buna səbəb Demokratik Qüvvələrin Milli Şurasından prezidentliyə müxalif namizəd Cəmil Həsənliyə dəstək üçün imza verməsi olub.
Əhmədovun özünün Turan-a verdiyi məlumata görə, onu, rayon polis şöbəsinə çağırıblar, müxalifətlə ünsiyyətdə və müxalifət namizədinə imza verməkdə ittiham edərək döyüblər.
“Onlar məni üzümdən, başımdan, qabırğalarımdan vurublar. Tibb müəssisələri məni müayinə etməkdən imtina edir və 102-yə müraciət etməyi tövisyə edir”, deyə Əhmədov bildirib.
Maraqlıdır ki, bu yaxınlara qədər o, hakim Yeni Azərbaycan Partiyasının üzvü idi. Lakin yerli hakimiyyətin özbaşınalığına etiraz əlaməti olaraq o, öz partiya biletini prezident İlham Əliyevə göndərib.
Bundan başqa, Əhmədov facebook-da rayon hakimiyyətini tənqid edib. -06B-
Siyasət
-
İnsan Hüquqları Müdafiəçilərinin Müdafiəsi Rəsədxanası (OPHRD) azərbaycanlı hüquq müdafiəçisi Rüfət Səfərovun həbsini pisləyib və ona qarşı ittihamların dərhal ləğv edilərək sərbəst buraxılmasına çağırıb.
-
Dekabrın 21-də Müsavat Partiyasının qərargahında mərhum ictimai fəal Nərgiz Yaqublunun adına təsis olunmuş mükafatın təqdimatı keçirilib. Mükafat hazırda həbsdə olan "III Respublika Platforması"nın (Resplatforma) spikeri Akif Qurbanova təqdim olunub. Müsavat Partiyasının başqanı İsa Qəmbər Qurbanovun Azərbaycanda demokratik, cümhuriyyət dəyərlərinin bərqərar olması uğrunda apardığı ardıcıl mübarizəyə görə bu mükafata layiq olduğunu deyib.
-
Dövlət Departamentinin sözçüsü TURANa bildirib ki, Birləşmiş Ştatlar Gürcüstanda demokratiyanı sarsıtmaqda günahkar olan daha on məmura viza qadağası qoyacaq və bununla da onların ümumi sayı 100-dən çox olacaq.
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
Rəy yaz