
Saleh Rüstəmov aclıq aksiyasına başladıqdan sonra həbsxana xəstəxanasına yerləşdirilib
Bakı/08.11.21/Turan: Gədəbəy rayonunun hazırda həbsdə olan keçmiş icra başçısı (1992-1993) Saleh Rüstəmov Penitensiar Xidmətin Müalicə Müəssisəsinə köçürülüb.
Bu barədə Turana onun yaxınları məlumat verib. Onların bildirməsinə görə, o, artıq üç gündür ki, aclıq aksiya keçirir. Yaxınlarının vurğulamasına görə, o, aksiyaya səbəb kimi icrasına başlanan Amnistiya Aktına düşməməsi, qanunsuz olaraq üç ildən artıqdır həbsdə saxlanması və ailəsinin mülkünün müsadirəsini qeyd edib: "Bildirdi ki, bütün hüquqi qapılar onun üçün bağlanıb…".
Onun vəkili Bəhruz Bayramov isə bildirib ki, bu gün, noyabrın 8-də S.Rüstəmovla müalicə müəssisəsində görüşüb: "Aclıq aksiyasını davam etdirir. Elə məhz buna görə onu cəzaçəkmə müəssisəsindən bura köçürüblər. Mənim dəfələrlə xahiş etməyimə baxmayaraq, aclığı qətiyyən dayandırmayacağını, qərarında israrlı olduğunu deyib".
“Saleh Rüstəmov aclıq aksiyasını davam etdirməkdə israrlıdır. O, aksiyanın 10-cu günündə quru aclıq aksiyasına keçəcəyini bildirib. Onun xasiyyətinə yaxşı bələd olaraq deyə bilərəm ki, bu hərəkət faciəvi nəticələrə gətirib çıxara bilər. Birinci Qarabağ müharibəsinin ən uğurlu əməliyyatlarından birinə - Başkəndin azad edilməsinə rəhbərlik etmiş şəxsi Qələbə Günündə həbsdə saxlamaq böyük ədalətsizlikdir”, - deyə Bayramov Turan-a bildirib.
Bu deyilənlərə, hələlik, Penitensiar Xidmət və başqa aidiyyəti rəsmi qurumlardan münasibət öyrənmək mümkün olmayıb.
Azərbaycan Milli Məclisi noyabrın 5-də Amnistiya Aktı haqqında qərar qəbul edib. Aktın bütünlükdə 16 min civarında şəxsə şamil ediləcəyi, onlardan 3 minınin sırf həbsdən azadlığa buraxılacağı açıqlanıb.
Saleh Rüstəmov 2018-ci il mayın 8-də narkotik ittihamıyla tutulub. İki gün sonra onun qardaşı oğlu Vidadi Rüstəmli də eyni ittihamla saxlanıb. Sonra, mayın 25-də Xalq Cəbhəsi Partiyasının (AXCP) üç funksioneri (Aqil Məhərrəmov, Babək Həsənov və Ruslan Nəsirov) tutulub. Bundan sonra ittihamların dəyişdiyi bəlli olub. Onların saxlanılması ilə bağlı yayılan rəsmi açıqlamaya görə, AXCP funksionerləri və S.Rüstəmov çirkli pul vəsaitlərini leqallaşdırmaqda günahlandırılırlar.
AXCP ittihami yalanlamışdı. Bakı Ağır Cinayətlər Məhkəməsinin hökmü ilə S.Rüstəmov 7 il 3 ay, A.Məhərrəmov 4 il, B.Həsənov isə 3 il azadlıqdan məhrum edilib. V.Rüstəmli və R.Nəsirova şərti cəza verilib. Onların hamısı məhkəmədə ittihamları qəbul etməyiblər. B.Həsənov bu il martın 18-də əfv sərəncamı ilə azadlığa buraxılıb. Ali Məhkəmə Rüstəmovun cəsasını 2 ay azaldıb.-0-
-
- Foto sessiyalar
- 8 Noyabr 2021 22:28
Siyasət
-
Gənc talış tədqiqatçısı İqbal Əbilovun işi üzrə ibtidai istintaq başa çatıb. Bu barədə Turana onun vəkili Fariz Namazlı bildirib.
-
Hüquq Müdafiə Təşkilatları Monitorinq Qrupunun üzvləri Novella Cəfəroğlu, Səidə Qocamanlı və Səadət Bənanyarlı Jurnalist Şahnaz Bəylərqızının səhhətində mövcüd olan problemlər ilə bağlı narahatlıq bildirərək ,Azərbaycan Respublikasının Prezidenti İlham Əliyevə müraciət edib.
-
Cümə günü, fevralın 7-də Aktauda 25 dekabr 2024-cü il tarixində Azerbaijan Airlines-ın (AZAL) təyyarə qəzasında həlak olanların xatirəsinə həsr olunmuş anım mərasimi keçirilib, xəbəri Tengrinews.kz yayıb.
-
Fevralın 7-də Bakı Apellyasiya Məhkəməsində ictimai fəal Cəlal Cavadovun inzibati qaydada həbsindən verilmiş şikayətə baxılıb.
Rəy yaz