![Samir Aşurov istintaq təcridxanasında tibbi yardımın olmamasından şikayətlənib](https://turan.az/resized/news/2024/jfZBFr5vwcbvwec09i0EPso4m7aK7VXjctvga6Qp-750-500-resize.webp)
Samir Aşurov istintaq təcridxanasında tibbi yardımın olmamasından şikayətlənib
Samir Aşurov istintaq təcridxanasında tibbi yardımın olmamasından şikayətlənib
2 saylı cəzaçəkmə müəssisəsində saxlanılan fəal, keçmiş siyasi mühacir Samir Aşurovun səhhəti pisləşib. Bu barədə Turan-a onun xanımı Nuranə Aşurova bildirib.
"İki həftədən çox öncə Samirdə ürək ağrısı baş qaldırıb. Həkimə müraciət edib və elektrokardiyoqram ediblər. Həkim təcili xəstəxanaya yerləşdirilməsinin vacibliyini bildirib. Almaniyada Samir ürək əməliyyatı keçirib, bundan sonra özünü normal hiss edib. Ancaq həbsdən sonra, keçirdiyi stres səbəbindən, iki il istintaq təcridxanasında sıx kamerada saxlanıldığına və təmiz havaya çxmaq imkanı məhdud olduğuna görə yenidən ürək problemlərilə üzləşib", -Aşurova deyib.
O qeyd edib ki, həyat yoldaşının Penitensiar Xidmətin müalicə müəssisəsinə köçürülməsi üçün heç bir iş görülmür.
Onu koloniyanın tibbi-sanitariya hissəsinə də yerləşdirmirlər.
"Samirə deyirlər ki, "gələn şənbə" xəstəyə göndərəcəklər. Şənbə günləri keçir, ancaq hələ də koloniyadadır, heç bir müalicə almır. Ürəyi xəstə adama kömək etməmək onu ölümə məhkum etmək deməkdir", - Aşurova deyib.
O, Beynəlxalq Qırmızı Xaç Komitəsinin Bakı nümayəndəliyinə də müraciət edib.
"Mənə dedilər ki, yaxın günlərdə Samirə baş çəkəcəklər, amma artıq bir həftədən çox keçib və heç bir nəticə yoxdur", - Aşurova qeyd edib.
Penitensiar Xidmətdən şərh almaq mümkün olmayıb.
*Aşurov hökumət əleyhinə aksiyalarda iştirak edib və 2018-ci ildə iki inzibati həbsdən sonra Almaniyaya mühacirət edib. Azərbaycanda insan hüquqları probleminə diqqəti cəlb etmək məqsədilə orada da aksiyalarda iştirak edib.
29 mart 2022-ci ildə Azərbaycana deportasiya edilib, 20 gün sonra isə Bakıda polis onu saxlayıb. O, Elşən Nəbiyev adlı şəxsi bıçaqlamaqda ittiham olunub. Hüquq müdafiəçiləri Aşurovu "siyasi məhbus" kimi tanıyıblar və hesab edirlər ki, onun təqib olunmasının əsl səbəbi insan hüquqlarının pozulmasına qarşı etiraz aksiyalarında iştirak etməsidir.
2023-cü ilin dekabrında məhkəmə onu 6,5 il müddətinə həbs cəzasına məhkum edib.
Apellyasiya Məhkəməsi bu hökmü qüvvədə saxlayıb.
-
- Siyasət
- 21 May 2024 14:57
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz