Samvel Şahramanyan Qarabağ separatçılarının yeni lideri oldu

Bakı/09.09.23/Turan: Sentyabrın 9-da Qarabağ "parlamenti" Samvel Şahramanyanı bir həftə əvvəl istefa verən Araik Arutyunyanın yerinə yeni "prezident" seçib.

Qarabağ qüvvələrinin keçmiş komandanı Samvel Babayan Şahramanyanın seçilməsinin əleyhinə fəal şəkildə təşviqat aparırdı. O da "prezident" vəzifəsinə namizəd idi. Lakin onun namizədliyi yerli elitanın dəstəyini qazanmayıb. Samvel Babayan qeyri-səmimi və macəralara meylli insan hesab olunur. Bundan başqa, Ermənistan ictimaiyyətinin onun Bakı ilə qeyri-rəsmi əlaqələr saxladığına dair şübhələri var.

Samvel Şahramanyana (1978) gəlincə, o, bundan əvvəl "Qarabağın təhlükəsizlik xidmətinin rəhbəri", "gənclər naziri" və "dövlət naziri" vəzifələrini tutub.

Şahramanyan bu il martın 1-də Xocalıda Rusiya sülhməramlılarının bazasında Bakı nümayəndələri ilə aparılan danışıqlarda Qarabağ ermənilərinin nümayəndə heyətinə başçılıq edib. 02