SAR: İqbal Əbilova qarşı cinayət təqibi akademik azadlığı pozur

Scholars at Risk beynəlxalq şəbəkəsi (SAR - "Alimlər risk altında ") – akademik cameənin monitorinqi üzrə layihə Azərbaycanda talış tədqiqatçı İqbal Əbilovun cinayət təqibilə bağlı narahatlığını  bildirib.

Təşkilatın məlumatında xatırladılır ki, Azərbaycan vətəndaşı, Belarus Dövlət Universitetinin müəllimi əbilov bu ilin iyulunda Azərbaycanda "dövlətə xəyanət", "dövlət əleyhinə  çağırışlar", "millətlərarası düşmənçiliyin qızışdırılması" ittihamları ilə həbs edilib.

əbilov etnik talışdır, Cənubi Qafqaz, Türkiyə və İranda etnik azlıqlara xüsusi diqqət yetirərək tarix və etnoqrafiya üzrə ixtisaslaşıb. Əbilov həmçinin Talış Milli Akademiyasının, talışların köklü  qrupunu öyrənən alimlər konsorsiumunun üzvüdür, məlumatda deyilir.

SAR "Azərbaycan 2024-cü ilin noyabrında Bakıda keçiriləcək Birləşmiş Millətlər Təşkilatının iqim dəyişmələri üzrə konfransı (COP29) ərəfəsində hökumətin siyasətini tənqid edən alimlərə, jurnalistlərə və fəallara qarşı sərt tədbirlər görməsi" ilə bağlı  insan hüquqları təşkilatlarının bəyanatlarına diqqəti yönəldir.

Scholars at Risk "alimin həbsdən narahatdır, görünür bu, onun Azərbaycandakı talış qrupu da daxil olmaqla, etnik azlıqların tarixinə və mədəniyyətinə dair araşdırmalarına və erməni alimlər ilə əməkdaşlığına görə qisasdır". "Dövlət orqanları zorakı olmayan və məsuliyyətli olan özünüifadəyə görə məhdudiyyətdən və ya qisasdan çəkinməlidirlər. Qurbana zərər verməklə yanaşı, özbaşına həbslər ümumilikdə akademik azadlığı və demokratik cəmiyyəti sarsıdır", - SAR-ın məlumatında deyilir.

* İqbal Əbilov iyulun 22-də Azərbaycana qohumlarının yanına gələrkən saxlanılıb. Ona qarşı Azərbaycan Cinayət Məcəlləsinin 274 (dövlətə xəyanət), 281.3 (xarici təşkilatların və ya onların nümayəndələrinin tapşırığı ilə dövlətə qarşı yönəlmiş ictimai çağırışlar) və 283.1-ci (milli, irqi, sosial və ya dini nifrət və düşmənçiliyin qızışdırılması) maddələrilə ittiham irəli sürülüb.

Əsasən, bu cinayətlərin Ermənistanın xüsusi xidmət orqanlarının göstərişilə törədildiyi bildirilir.

Əbilov ittihamları rədd edir və ancaq elmi fəaliyyətlə məşğul olduğunu bildirir.

Dünyanın müxtəlif ölkələrindən bir qrup alim Azərbaycan rəhbərliyinə müraciət edərək Əbilovun azad edilməsinə köməklik göstərilməsini xahiş ediblər.

Hüquq müdafiəçiləri İqbal Əbilovu siyasi məhbus kimi tanıyıblar.