Səfir Morninqstar ABŞ mübadilə proqramlarında iştirak edən şəxslərin şərəfinə qəbul keçirilib

ABŞ-ın Bakıdakı  səfirliyinin iqamətgahında iyulun 2-də ABŞ  mübadilə proqramlarında iştirak edən şəxslərin şərəfinə qəbul keçirilib

Qəbulda  FLEX, UGRAD və Fulbrayt proqramlarının finalçıları, eləcə də müxtəlif ABŞ mübadilə proqramlarının məzunları iştirak ediblər.

Tədbirdə çıxış edən ABŞ-ın Azərbaycandakı səfiri Riçard Morninqstar bildirib ki, bu məzunlar Azərbaycan cəmiyyətinin ən parlaq və ziyalı nümayəndələrinin bir hissəsini təşkil edirlər.

Onun sözlərinə görə buradakı gənclər ölkənin gələcəyidir.

  “Biz inanırıq ki,bu kimi gənclər Azərbaycanı  daha inkişaf eləmiş gözəl bir ölkəyə çevirəcəklər və onarın sayəsində ölkənin inkişafı daha da inkişaf edəcək və davam edəcək.”deyə dəfir qeyd edib.

Daha sonra diplomat Fulbrayt proqramında iştirak edən tələbələrə və təqaüdçülərə, həmçinin məzunlar üçün kiçik qrant proqramının qaliblərinə ABŞ Dövlət Departamentinin proqramını müvəffəqiyyətlə bitirənlərə sertifikatlar təqdim edib.

Qəbul mərasiminin yekununda Azərbaycanda səfərdə olan ABŞ-ın “Filligar” rok qrupu konsert proqramı ilə çıxış edib. Qeyd edək ki, bu musiqi qrupunun üzvləri ABŞ Dövlət Departamentinin “İncəsənət elçiləri” adlı proqramının himayəsi altında Azərbaycanda səfərdədir.-16C-