Açiq mənbələrdən foto.
Səhiyyə Nazirliyi Azərbaycanın Qarabağda antiterror əməliyyatında verdiyi itkiləri açıqlayıb
Bakı/27.09.23/Turan: 19-20 sentyabr 2023-cü il tarixində Qarabağda həyata keçirilmiş antiterror tədbirləri zamanı Azərbaycan Silahlı Qüvvələrinin 192 hərbi qulluqçusu şəhid olub. Şəhid olmuş hərbçilərdən 180 nəfər Müdafiə Nazirliyinin, 12 nəfər isə Daxili İşlər Nazirliyinin hərbi qulluqçularıdır. Şəhid olanlardan 1 nəfər də mülki şəxsdir. Bu barədə bu gün Azərbaycan Səhiyyə Nazirliyi məlumat yayıb.
11 nəfərin şəxsiyyəti Məhkəmə Tibbi Ekspertiza tərəfindən məhkəmə genetik müayinələr aparıldıqdan sonra müəyyənləşdiriləcək.
Eyni zamanda, lokal antiterror tədbirləri nəticəsində 511 hərbi qulluqçu və 1 mülki şəxs yaralanıb.
Yaralıların ən qısa zamanda müalicəsi üçün yüksək səviyyəli peşəkar həkim briqadaları fəaliyyət göstərir və bütün zəruri tibbi tədbirlər görülür.
Müdafiə Nazirliyi həlak olanların adbaad siyahısını dərc edib. 06B
Siyasət
-
2024-cü ildə Səfərbərlik və Hərbi Xidmətə Çağırış üzrə Dövlət Xidmətinin 249 əməkdaşı məsuliyyətə cəlb edilib.
-
Dünən Rusiya İctimai Palatasının üzvü, politoloq Vladimir Karasev sosial şəbəkədəki səhifəsində Azərbaycan prezidenti İlham Əliyevin ünvanına küçə söyüşlərindən istifadə edib. Bu, Əliyevin AZAL-ın vurulan təyyarəsinə görə təqsiri Rusiyanın üzərinə qoymasından sonra baş verib. Karasev hesab edir ki, Əliyev Rusiya hakimiyyəti ilə bu tonda danışa bilməz.
-
Yanvarın 9-da Bakı Ağır Cinayətlər Məhkəməsində dələduzluqda ittiham olunan fəal Rail Abbasovun işi üzrə proses başa çatıb.
-
Cümə axşamı Bakı Apellyasiya Məhkəməsi Toplum TV-nin işi üzrə həbs edilmiş jurnalist Müşfiq Cabbarın həbs müddətinin uzadılmasından verdiyi şikayəti təmin etməyib.
Rəy yaz