Alimpaşa Məmmədov
Şəmkir rayon İcra Hakimiyyətinin keçmiş başçısı barədə istintaq müddəti üçün həbs qətimkan tədbiri seçilib
Bakı/28.04.21/Turan: Bu gün, aprelin 28-də Bakının Səbail Rayon Məhkəməsi Şəmkir Rayon İcra Hakimiyyətinin keçmiş başçısı Alimpaşa Məmmədov barəsində 4 ay həbs qətimkan tədbiri seçib.
Məhkəmədəki mənbələrin məlumatına görə, keçmiş icra hakimiyyəti başçısı barədə həbs qətimkan tədbiri istintaq orqanının təqdimatı əsasında seçilib.
Qeyd edək ki, Məmmədov və rayon icra hakimiyyətinin digər vəzifəli şəxsləri Dövlət Təhlükəsizliyi Xidmətinin rayon icra hakimiyyətində keçirdiyi əməliyyat nəticəsində saxlanılıb.
Hüquq-mühafizə orqanları hələ Alimpaşa Məmmədov və digər vəzifəli şəxslərin saxlanılmasının səbəbləri ilə bağlı rəsmi məlumat yaymayıb. Amma səbəbin korrupsiya cinayətləri olduğu şübhə doğurmur.
Bundan öncə Dövlət Təhlükəsizliyi Xidmətinin və Baş Prokuror yanında Korrupsiyaya qarşı Mübarizə Baş İdarəsinin keçridiyi əməliyyatlar nəticəsində bir neçə nazirliyin yüksək vəzifəli şəxsləri və 6 rayonun icra hakimiyyəti başçısı həbs edilib. -03-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz