ABŞ Senatının üzvü Riçard Durbin bəyanatla çıxış edərək ABŞ administrasiyasını qlobal çağırışlar, Ukraynaya qarşı təcavüz və İŞİD-lə mübarizə fonunda əsas siyasi azadlıqları unutmamağa çağırıb.
“Demokratik dəyərlərin həyata keçirilməsi və ya təbliğinə görə həbsdə olan bəzi cəsur insanları xatırlatmaq istərdim. Əvvəla, mən Azərbaycanda hüquq müdafiəçilərinə qarşı son repressiyalardan çox narahatam. Bu, son ildə durumun pisləşdiyi ölkədə həyəcanlı tendensiyanın bir hissəsidir”, - o vurğulayıb.
“New York Times öz məqaləsində prezident İlham Əliyevi Qərblə yaxşı münasibətlərdə olduğuna bütün dünyanı inandırmağa çalışan şəxs kimi təsvir edib. Lakin o, insan hüquqlarının pozulmasının ən pis formalarını yaradıb.
İ.Əliyev istəyir ki, dünya inansın ki, Azərbaycan nümunəvi ölkədir, Qərblə məhkəm münasibətləri var və qarşıdakı Avropa Oyunları üçün ideal ev sahibidir. Eyni zamanda ölkədə Rusiya və Belarusda olduğundan çox siyasi məhbus var”, - bəyanatda deyilir.
Sonra senator “Azadlıq” radiosunun bağlanması ətrafındakı vəziyyəti, jurnalist Xədicə İsmayılovanın və digər fəalların həbsinə toxunub.
Ötən ilin avqustunda senatorlar Kardin və Merfi prezident Əliyevə məktub göndərərək hüquq müdafiəçiləri Anar Məmmədli və Bəşir Süleymanlının azadlıqdan məhrum edilməsi ilə bağlı narahatlıqlarını bildiriblər.
B.Süleymanlı bu yaxınlarda azad edilib, lakin onun həmkarı Anar hələ də həbsdədir.
Bundan öncə Leyla Yunus, bir həftə sonra isə onun həyat yoldaşı Arif Yunus, sonra Rəsul Cəfərov və İntiqam Əliyev həbs olunublar.
Ötən ay Washington Post X.İsmayılovanın məktubunu dərc edib. O, beynəlxalq təşkilatları pisliyə qarşı mübarizəyə son qoymamağa, insan ləyaqətinin satılmadığını sübut etməyə çağırıb.
“Mən prezident Əliyevi öz vətəndaşlarını azad etməyə çağırıram. Onların yeganə günahı odur ki, dinc demokratik Azərbaycanda yaşamaq istəyirlər. O bilməlidir ki, əsas demokratik prinsiplər pozularsa qərb birliyinin bir hissəsi ola bilməz”, - bəyanatda qeyd olunur.-25D-
Siyasət
-
Xankəndidə oktyabrın 20-də vəfat etmiş 70 yaşlı erməni qadın Vera Aqasiyanın cəsədi 15 gündən artıqdır ki, təhvil verilməyib. Azərbaycan mediasının məlumatına görə, Beynəlxalq Qızıl Xaç Komitəsi (BQXK) gecikmənin səbəbi barədə açıqlama verməyib.
-
Noyabrın 14-də Bakıda keçirilən COP29 konfransının keçirildiyi yerdə bir qrup fəal "Pay up" ("Ödəmə vaxtıdır") şüarı altında aksiya keçirib.
-
Ermənistan baş naziri Nikol Paşinyan bildirib ki, həm prezident İlham Əliyev, həm də o, Ermənistan və Azərbaycan üçün təkcə sülh sazişi və digər razılaşmaların əldə olunması deyil, eyni zamanda sülh içində birgə yaşayış üçün strateji sazişin imzalanması zərurəti olduğunu qəbul edirlər. O, bu fikirləri noyabrın 13-də parlamentin iclasında səsləndirib.
-
Fransanın ekologiya, energetika və iqlim naziri Anyes Pannye-Runaşe (Agnès Pannier-Runacher). "Əliyevin COP29-un açılış mərasimində Fransa və Avropa ilə bağlı şərhləri qəbuledilməzdir. Ölkəmizə, onun institutlarına və ərazilərinə birbaşa hücumlar əsassızdır.
Rəy yaz