![Neboisha Stefanovic.](https://turan.az/resized/media/2020/main/081100029544-750-500-resize.webp)
Neboisha Stefanovic.
Serbiyanın Təhlükəsizlik Şurasının rəhbəri Bakıda Ermənistana silah tədarükü ilə bağlı açıqlama verir
Bakı/11.08.20/Turan: Avqustun 11-də səhər saatlarında Serbiyanın Təhlükəsizlik Şurasının rəhbəri Neboyşa Stefanoviçin Azərbaycan TŞ rəhbəri Ramil Usubovla görüşü başlayıb. Görüşün mövzusu Azərbaycanın narazılığına səbəb olan Ermənistana silah tədarükü məsələsidir.
Rəsmi məlumata görə, görüşdə Azərbaycan Prezidenti yanında Təhlükəsizlik Şurasının katibi Ramil Usubov, Azərbaycan Prezidentinin köməkçisi, Azərbaycan Prezident Administrasiyasının Xarici siyasət məsələləri şöbəsinin müdiri Hikmət Hacıyev, Azərbaycan xarici işlər nazirinin müavini Araz Əzimov və Azərbaycanın Serbiyadakı səfiri Eldar Həsənov iştirak edirlər.
Xatırladaq ki, rəsmi Bakı 12-17 iyul tarixlərində Tovuz istiqamətində həyata keçirilən döyüş əməliyyatları zamanı Azərbaycanın dinc əhalisinə və hərbi qulluqçularına qarşı istifadə olunan silahların tədarükünə görə Belqradı kəskin şəkildə qınamışdı. Serbiyanın diplomatik missiyasının rəhbəri izahat üçün XİN-ə dəvət olunmuşdu.
Bundan sonra Azərbaycan və Serbiya prezidentləri arasında telefon danışıqları aparılıb, Serbiya prezidenti bu məsələ ilə bağlı təəssüfünü bildirib və hadisənin araşdırılması üçün Bakıya nümayəndə heyəti göndərməyi vəd edib.
Eyni zamanda, Serbiyanın ticarət naziri Ermənistana silah tədarükündə heç bir qanunsuzluq olmadığı haqqında bəyanat verib. -02D-
-
- Cəmiyyət
- 11 Avqust 2020 11:00
-
- İqtisadiyyat
- 11 Avqust 2020 11:31
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz