Sergey Lavrov: «Dağlıq Qarabağın statusu birtərəfli qaydada müəyyən edilə bilməz»

 RF XİN rəhbəri Sergey Lavrov hesab edir ki, atəşkəs rejiminin möhkəmləndirilməsi üzrə tədbirlərlə yanaşı Qarabağ münaqişəsinin siyasi yolla nizamlanması üzrə iş aparılmalıdır. O, Dağlıq Qarabağın statusunun birtərəfli qaydada müəyyən edilməsinin mümkünsüz olduğunun Yerevanda anlayışla qarşılandığını bildirib.

“Əlbəttə, ən başlıcası hər hansı yeni qurbandan qaçmaqdır, atəşkəsin posulmasının qarşısının alınmasıdır və bundan ötrü əməli tədbir və mexanizmlərin hazırlanmasıdır. Hələ beş il öncə bizim prezident (o zaman Dmitri Medvedyev) onları bir yerə toplayanda buna Ermənistan və Azərbaycan prezidentləri də imza atdılar. Onlar insidenlərin araşdırılması mexanizminin yaradılmasına, inamın möhkəmləndirilməsinə tərəfdar olduqlarını bildirdilər və bunu ATƏT-ə həvalə etdilər. ATƏT nümayəndəlri müxtəlif variantlarla belə layihə çizdilər. Lakin təəssüf ki, o mərhələdə, hardasa 2012-ci illərdə bu iş irəliləmədi. Ancaq hazırda biz tərəflərin buna qayıtmasını istəyirik”, - S.Lavrov RİA-Novosti-yə müsahibəsində deyib.

O deyib ki, “ATƏT-də sədrlik edən Almaniya fəallıq göstərmək istəyir və biz bu istəyi təşviq edirik”. “Düşünürəm ki, vaxtilə Ermənistan və Azərbaycan prezidentlərinin razılığı ilə insidentlərin araşdırılması mexanizmlərinin hazırlanması və inam tədbirlərinin möhkəmləndirilməsi üzrə ATƏT-də başlayan iş hazırda heç zaman olmadığı qədər aktuallaşır. Diqqəti buna yönəldəcəyik. Əlbəttə, siyasi prosesi də unutmaq olmaz. Yəqin ki, ehtiraslar səngiməlidir, bu, aydındır. Lakin siyasi prosesin və nizamlanmanın alternativi yoxdur. Məlum ideyalar var ki, onlar tərəflər arasında müzakirə edilib. Əvvəlkitək əminəm ki, onları çətin də olsa tərəflər üçün məqbul olan sənəd şəklinə salmaq olar”, - Lavrov bildirib.

Dağlıq Qarabağın tanınması mövzusunun müzakirəsinə gəlincə, Lavrova görə, “bunu Ermənistan müzakirə etmir, bu, parlamentin iki üzvünün təklifidir.

“Qanuna görə, Ermənistan hökuməti  bu qanun layihəsinə rəy verməlidir. İndidən həyəcan siqnalı vermək,  hay- küy salmaq istəməzdim. MənYeravanda olanda həmkarım, xarici işlər naziri Edvard Nalbandyanla telefonla danışdım, sonra Moskvada aprelin əvvəlində başlayan hadisələrdən sonra Yerevanın dinc nizamlanmaya sadiq olduğu mən bildirildi. Bu o deməkdir ki, Qarabağın statusu birtərəfli qaydada yox, ümumi razılaşma kontekstində müəyyən ediləcək”, - Lavrov vurğulayıb.

Nazir “Yaxın vaxtlarda hansısa yeni görüşlər planlaşdırılırmı?” sualına müsbət cavab verib.

“Planlaşdırırıq, çünki iş böyük diqqət tələb eir. Düşünürəm ki, tezliklə bunu razılaşdıracağıq”, - o qeyd edib.

Onun sözlərinə görə, danışıqlar “həmsədrlərin və tərəflərin iştirakı ilə aparılacaq, çünki bu iş kollektiv format tələb edir”. —06D--