Sergey Lavrov ermənipərəst blogeri dəstəkləyib

  Moskva Belarusda saxlanılan RF vətəndaşı, həm də İsrail vətəndaşlığı olan bloger Aleksandr Lapşinin Azərbaycana verilməsinin əleyhinədir.

“Biz bu və ya diğər ölkədə saxlanılan RF vətəndaşının üçüncü ölkəyə ekstradisiya edilməsinin əleyhinəyik”, - RF xarici işlər naziri Sergey Lavrov mətbuat konfransında Bakının sorğusu üzrə saxlanılan Lapşinin taleyilə bağlı sualın cavabında deyib.

Xatırladaq ki, Azərbaycan prokurorluğu blogeri sərhəddi qanunsuz keçərək işğal olunmuş ərazilərə getməkdə ittiham edir.

“Biz jurnalistlərin və ya sadə adamların bu və digər regiona və hər hansı əraziyə getməsinin kriminallaşdırılmasının əleyhinəyik”, - S.Lavrov deyib.

“Biz cənab Lapşinlə əlaqə saxladıq. Biz bilirik ki, o, eyni zamanda İsrail vətəndaşıdır. İsrail diplomatları da bizimlə əlaqə saxladılar. Eyni zamanda İsrail vətəndaşı olan RF vətəndaşının hüquqlarına tam hörmət edilməsilə bu məsələni həll etmək üçün bütün tədbirləri görəcəyik”, - nazir bildirib.

Lavrov xatırladıb ki, RF və Belarus müttəfiq dövlətlərdir. Bu çərçivədə prinsipial qərarlar qəbul edilib.-06D-