![Sərhəd Qoşunlarının komandanı Qazaxda Ermənistanla sərhəd bölgəsində olub](https://turan.az/resized/750/500/resize/media/2019/main/032700017750.jpg)
Sərhəd Qoşunlarının komandanı Qazaxda Ermənistanla sərhəd bölgəsində olub
Bakı/27.03.19/Turan: Dövlət Sərhəd Xidmətinin (DSX) rəisi, gene¬ral-polkovnik Elçin Quliyev Qazax rayonunda Ermənistanla sərhəd bölgəsinə səfər edib. Rəsmi məlumata görə, səfərin məqsədi "Sərhəd Qoşunlarının "Qazax" sərhəd dəstəsinin Ermənistanla dövlət sərhədində yerləşən sərhəd döyüş məntəqələrinin xidməti-döyüş fəaliyyətinin yoxlanılması" olub.
Səfər zamanı Quliyev əməliyyat şəraiti, ərazi müdafiəsinin və sərhəd mühafizəsinin gücləndirilməsi məqsədilə görülən işlələ tanış olub. Düşmənin mümkün təxribatlarının qarşısının alınması məqsədilə sərhəd döyüş səngərlərində müdafiə mövqelərinin möhkəmləndirilməsi, müqabil ərazidə aparılan işlərə adekvat olaraq ərazidə mühəndis-istehkam tədbirlərinin gücləndirilməsi üzrə tapşırıqlar verib. Qazax və Ağstafa rayonlarında ərazi müdafiəsinin təkmilləşdirilməsi, müasir sərhəd mühafizə infrastrukturunun yaradılması, sərhəd komendantlıqlarında və sərhəd döyüş məntəqələrində yeni xidməti binaların və əsgər kazarmalarının inşa edilməsi, sərhəd döyüş məntəqələrinə yeni yolların salınması, sənaye işığının və qaz xətlərinin çəkilməsi məqsədilə görülən işlərə baxış keçirilib. Bu barədə ölkənin Sərhəd Xidmətinin məlumatında bildirilir.
Qeyd edək ki, dünən Ermənistan tərəfi sözügedən bölgədə Azərbaycan SQ-nin Ermənistanın Berdavan kəndi yaxınlığında mühəndis işləri həyata keçirməyə çalışdıqlarını bildirib. Bu, atışmaya səbəb olub.
Elə həmin ərazidə iki həftə əvvəl Qazax sakini Elnur İbrahimov indiyədək müəyyən edilməmiş şəraitdə Ermənistan tərəfə keçib, yaralanıb və əsir götürülüb. -02D-
-
- Bazarların icmalı
- 27 Mart 2019 13:56
-
- Cəmiyyət
- 27 Mart 2019 15:19
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz