"Sərhədsiz Reportyorlar" Azərbaycanda jurnalistləri azad etməyə çağırıb

Cümə günü Meydan TV müstəqil xəbər nəşrinin altı jurnalisti saxlanılıb və ibtidai həbsə məhkum edilib. "Sərhədsiz Reportyorlar" bu əsassız həbsləri Azərbaycanda rejimin tənqidçilərinin susdurulması üzrə sistemli strategiya kimi pisləyir və onları dərhal azad etməyə çağırır. Bu barədə "Sərhədsiz Reportyorlar" mətbuatı müdafiə təşkilatının press-relizində deyilir. 

COP29-dan bir ay sonra hakimiyyət jurnalistlərə qarşı repressiyaları bərpa edib. Meydan TV-nin altı jurnalistinin saxlanılması Azərbaycan vətəndaşlarını məlumatlandırmağa cəsarət edənləri təqib etməyə hazırlığı növbəti dəfə sübut edir. "Sərhədsiz Reportyorlar" onların, həmçinin əsassız olaraq həbs edilmiş digər 13 jurnalistin dərhal azad edilməsini tələb edir, beynəlxalq ictimaiyyəti əsas hüquqların belə ciddi sistematik pozuntularına göz yummamağa çağırır.

Dekabrın 8-də altı jurnalist evlərində axtarış aparıldıqdan sonra "xarici valyuta qaçaqmalçılığı" ittihamı ilə dörd ay müddətinə həbs edilib. Onları bu ittihamlarla səkkiz ilədək həbs cəzası gözləyir. Jurnalistlər bu ittihamları qəti şəkildə rədd edirlər.

2023-cü ilin noyabrında Toplum TV və Abzas Media kimi nəşrlərin jurnalistlərinə qarşı repressiya dalğası başladığı vaxtdan etibarən hakimiyyət tez-tez bu ittihamlardan təqib üçün bəhanə kimi istifadə edib.