“Sərhədsiz reportyorlar” Cəlilabaddan sayt redaktoru Əfqan Sadıqovun 30 ay müddətinə həbs olunması barədə hökmü pisləyir. Bu hökmü yerli məhkəmə yanvarın 12-də açıq-aşkar qadını qondarma “döymə” ittihamı ilə çıxarıb, deyə təşkilatın bəyanatında bildirilir.
Sadıqov tez-tez Cəlilabadda və Azərbaycanın ona yaxın digər rayonlarında təsərrüfatsızlıq və insan hüquqlarının pozulması faktları, xüsusən, yolların pis vəziyyəti, infrastrukturun dəhşətli vəziyyətdə olması və dövlət vəsaitinin mənimsənilməsi haqqında yazan azel.tv saytının redaktorudur.
“Bu Avropa İnsan Hüquqları Konvensiyasında və Vətəndaş Hüquqları və siyasi hüquqlar haqqında Beynəlxalq Paktda zəmanət verilmiş KİV azadlığı hüququnun daha bir kobud pozuntusudur”, deyə bəyanatda qeyd edilir.
“Əfqan Sadıqov azad edilməli, ona qarşı əsassız ittihamlar isə apellyasiya ilə ləğv olunmalıdır”.
Azərbaycan hakimiyyəti tənqidçi jurnalistləri və blogerləri susdurmaq üçün qondarma ittihamlardan tez-tez istifadə edir. Rejimin qurbanları arasında Faiq Əmirov və Seymur Həzi də var.
“Jurnalistlər xaricə getdikdən sonra da hökuməti tənqid etməyə davam edirsə, hakimiyyət onların qohumlarını həbs edir”, deyə bəyanatda bildirilir. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz