![Serjik əsəbləşib](https://turan.az/resized/750/500/resize/media/2015/main/072000123604.jpg)
Yerevan/ 20.07.15/Turan-Armİnfo: Ermənistan prezidenti Serj Sarkisyan Yerevanda birgə mətbuat konfransında Avropa Şurasının rəhbəri Donald Tuska iradını bildirib.
“Avropa Oyunları keçirildiyi müddət ərzində Azərbaycan Qarabağ münaqişəsi zonasında sülh imitasiyası yaradırdı, beynəlxalq ictimaiyyətə gərginliyin əsl təşəbbüskarının kim olduğunu, kimin ilk atəş açdığını nümayiş etdirirdi”, deyə o bildirib.
Bununla əlaqədar olaraq, Ermənistan lideri Tusku və digər yüksək vəzifəli Avropa məmurlarını tərəflər arasında bərabərlik işarəsi qoymamağa, atəşkəs rejiminin pozulmasında kimin təqsirli olduğunu, kimin ilk olaraq atəş açdığını, kimin təqsiri ucbatından insanların həlak olduğunu göstərməyə çağırıb.
“Bərabərlik işarəsi qoyulduqda təqsirli tərəf özünü cəzasız hiss edir”, deyən Sarkisyan İlham Əliyevin Ermənistan tərəfi və Avropanı irqçilikdə və ksenofobiyada ittiham etdiyi son çıxışını nümunə göstərib.
“İrqçiliyi, ksenofobiyanı və nasizmi təbliğ edən insanın digər ölkələri, xüsusən Ermənistanı, Gürcüstanı və Avropanı bunda ittiham etməsi gülməli deyil?”, deyə Sarkisyan bildirib.
Buna cavabda Tusk tərəfləri faciəvi nəticələri ola biləcək aqressiv bəyanatlardan, gərginliyə səbəb olan addımlardan, atəşkəs rejimini pozan istənilən əməllərdən çəkinməlidirlər. O, həmçinin tərəfləri dialoqa və güzəştlərə çağırıb.
Buna cavabda Sarkisyan deyib: “Mənim sözlərimə baxmayaraq, cənab Tusk tərəflər arasında bərabərlik işarəsi qoyub. Amma mən əminəm ki, o, İlham Əliyevlə qarşıda duran görüşündə öz mövqeyini ifadə edəcək”.
Qeyd edək ki, adətən təmkinli olan Ermənistan prezidenti Bakı və Moskva arasında Ermənistan tərəfi qane etməyən nizamlanma əldə olunması üzrə pərdəarxası danışıqlar haqqında şaiyələr fonuna ona xas olmayan emosionallıq nümayiş etdirir. -02D-
-
- Siyasət
- 21 İyul 2015 12:46
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz