Açiq mənbələrdən foto.
Bakı/19.05.23/Turan: Azərbaycan baş nazirinin müavini Şahin Mustafayevin RF hökumət başçısının birinci müavini Andrey Belousovla görüşündə "Şimal-Cənub" beynəlxalq nəqliyyat dəhlizinin (BND) inkişafı layihəsinin həyata keçirilməsi məsələləri müzakirə olunub.
Görüş Kazanda "Rusiya-İslam dünyası" XIV Beynəlxalq İqtisadi Forumu çərçivəsində baş tutub.
"Görüşdə dəmiryolu infrastrukturunda, avtomobil yollarında, o cümlədən Mahaçqala, Dərbənd, Xasavyurd keçidlərində, buraxılış məntəqələrində və nəqliyyat-logistika mərkəzləri hissəsində dar yerlərin aradan qaldırılması üzrə tədbirlərin sinxronlaşdırılması zərurəti qeyd edilib", deyə RF hökumətinin məlumatında bildirilir.
Bundan başqa, Mustafayev və Belousov Azərbaycan, Rusiya və İran dəmiryolu infrastrukturunun vahid operatorunun təsis edilməsini müzakirə ediblər.
Bu həftə RF və İİR İran ərazisində Rəşt-Astara dəmiryolunun tikintisinin başa çatdırılması haqqında saziş imzalayıblar. Layihənin həyata keçirilməsi Fars körfəzindən Sankt-Peterburqa qədər fasiləsiz dəmiryolu dəhlizini işə salmağa imkan verəcək. 06В
Siyasət
-
ABŞ-ın yeni seçilmiş prezidenti Donald Trampın andiçmə mərasiminə üç həftədən az vaxt qalıb və ölkənin baş diplomatı Entoni Blinken Asiya və Avropaya son turneyə çıxır, onu müşayiət edən Turan-ın Vaşinqton müxbiri bildirib.
-
Cümə günü ABŞ Helsinki Komissiyasının sədri Co Uilsonun rəhbərliyıi ikipartiyalı amerıkalı qanunvericilər qrupu MEGOBARİ Act qanununun qəbul edildiyini elan edib.
-
1 yanvar tarixində AZAL-ın Bakı-Kazan reysi zamanı Astrakhan üzərində radio müdaxiləsi və GPRS sistemində pozuntularla qarşılaşması ilə bağlı Turan informasiya agentliyinin məlumatına dair Amerikanın Səsinin sorğusuna cavab olaraq, Azərbaycan Hava Yolları (AZAL) mətbuat xidməti bəyanat yayıb. Hava yolu şirkəti qeyd edib ki, Bakı-Kazan reysi cədvələ uyğun olaraq və beynəlxalq təhlükəsizlik standartlarına tam uyğun şəkildə həyata keçirilib. Lakin bəyanatda radio müdaxiləsi və GPRS problemləri ilə bağlı iddialara birbaşa toxunulmayıb.
-
“Abzas Media”nın həbsdə olan əməkdaşı Elnarə Qasımova saxlanıldığı 1 saylı Bakı İstintaq Təcridxanasından ictimaiyyətə məktub ünvanlayıb. Jurnalist məktubunda təcridxanada qadın məhbusların məruz qaldıqları hüquqsuzluqdan, fiziki və psixoloji zorakılıqlardan, qeyri-insani rəftardan söz açıb.
Rəy yaz