Açiq mənbələrdən foto.
Bakı/20.05.23/Turan: Lisenziyası mayın 16-da Azərbaycan Mərkəzi Bankı (AMB) tərəfindən ləğv edilən Günay Bank ASC rəsmi olaraq müflis elan edilib.
Bu qərarı Bakı Kommersiya Məhkəməsi qəbul edib.
Gözlənildiyi kimi, Əmanətlərin Sığortalanması Fondu bankın ləğvedicisi təyin edilib.
AMB Günay Bank ASC-nin lisenziyasını bankın ümumi sərmayəsinin müəyyən edilmiş tələbdən - 50 mln. manatdan aşağı olması ilə əlaqədar ləğv edib.
Amma bir sıra müstəqil ekspertlər bankın lisenziyasının ləğv edilməsinin qanuniliyinə şübhə ilə yanaşıblar. Xüsusən, AMB-nin İdarə Heyətində kvorum olmaması qeyd edilib. Bu orqanın qərarları İdarə Heyətinin 4 üzvü iştirak etdiyi təqdirdə səlahiyyətli olduğu halda, hazırda bu qurumda cəmi üç üzv var.
Eyni zamanda, bankın öhdəliklərinin yerinə yetirilməsi ilə bağlı problem olmadığı qeyd edilir. Bankın nizamnamə sərmayəsindəki çatışmazlığın isə səhmdarların tarixi artıq təyin edilmiş növbəti iclasında aradan qaldırılması planlaşdırılırdı.
Müstəqil ekspertlərin fikrincə, Günay Bank ASC-nin ləğvini kiçik bankların aradan qaldırılması və bir neçə böyük bankın daha da gücləndirilməsi siyasəti kontekstində dəyərləndirmək lazımdır. 06В
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz