Yaponiyanın Xirosima şəhərində Baydenin Zelenski ilə görüşü

Vaşinqton/20.05.23/Turan: Cümə günü Ağ Ev prezident Co Baydenin Yaponiyanın Xirosima şəhərində G7 sammitində Ukrayna prezidenti Vladimir Zelenski ilə şəxsən görüşmək niyyətində olduğunu təsdiq edib.

Bu addım onunla əlaqədardır ki, Bayden Administrasiyası, görünür, Ukraynaya F-16 qırıcı təyyarələrin verilməsinə qarşı əvvəlki etirazlarından imtina edib.

Milli təhlükəsizlik üzrə müşavir Ceyk Sallivan jurnalistlərə təsdiq edib ki, Bayden G7-dən olan həmkarlarına ABŞ-ın Ukrayna pilotlarına qırıcı təyyarələrdən istifadə təliminin keçilməsi üzrə birgə səyləri dəstəkləyəcəyini deyib. 

Prezident Zelenski artıq bu xəbəri alqışlaylb, Vaşinqtonun qərarını "tarixi qərar" adlandırıb və bu addımın Ukrayna ordusunu xeyli gücləndirəcəyini qeyd edib.

Birgə təlim təşəbbüsünün iştirakçısı olan ölkələr təlimlərdən sonra təyyarələrin nə zaman veriləcəyinə və Kiyevə neçə ədəd döyüş təyyarəsi göndərəcəklərinə qərar verəcəklər. 0