Bakı/19.01.19/Turan: Siyasi Məhbusları Müdafiə Mərkəzi bəyanat yayaraq, Demokratik Qüvvələrin Milli Şurasının siyasi məhbuslara azadlıq tələbi ilə şənbə gününə təyin edilmiş mitinqini dəstəkləyib.
Mərkəzin bəyanatında qeyd edilir ki, Siyasi motivlərlə həbs olunmuş Taleh Bağırzadənin, Əli İnsanovun, Məmməd İbrahimin, Telman Şirəliyevin, Firudin Zeynalovun ardınca gənc blogger Mehman Hüseynovun həbsdən çıxmasına az müddət qalmış ona qarşı yeni, qondarma cinayət işi açılıb.
"Hakimiyyət bu addımı ilə yerli və beynəlxalq ictimaiyyətin sərt təpkisini qazanmaqla yanaşı özünü də gülünc və ifşa durumuna salıb. Haqlı olaraq Azərbaycan ictimaiyyəti və Avropa Parlamentinin timsalında beynəlxalq qurumlar Mehman Hüseynovun yenidən şərlənməsinə etiraz edir, onun və digər siyasi məhbusların azadlığa buraxılmasını tələb edirlər", deyə bəyanatda qeyd edilir.
Siyasi məhbusları müdafiə mərkəzi vətəndaşları şənbə günü müxalifətin mitinqində fəal iştirak etməyə çağırıb. Mərkəz həmçinin hakimiyyətdən bütün siyasi məhbusların dərhal və qeyd-şərtsiz azad edilməsini və ictimai fəalların həbsinə son qoyulmasını tələb edib. -06D-
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz