Siyasi mühacirlər AŞPA-da E.Məmmədyarovun çıxışı zamanı aksiya keçiriblər
Oktyabrın 2-də bir qrup Azərbaycanlı siyasi mühacir Strasbuqrda AŞPA-nın plenar iclasında Azərbaycan XİN rəhbəri Elmar Məmmədyarovun çıxışı zamanı aksiya keçirib.
Fəallar zalın lojasında “Azərbaycan siyasi məhbuslarına azadlıq!” şüarı səsləndiriblər.
AŞPA rəhbəri Ann Brasser etirazçılardan sakitliyə riayət etməyi xahiş etdikdən sonra aksiya səssiz formada davam edib: üzərində siyasi məhbusların şəkilləri olan qırmızı köynək geyinmiş siyasi mühacirlər əllərini qaldırıblar.
Brasser özü Məmmədyarova söz verməzdən əvvəl ölkədə baş verən proseslər haqqında izahat dinləmək istədiyini bildirib. Bu zaman o, fəalların narahatlıq doğuran həbsini nəzərdə tutduğunu qeyd edib.
Brasser deyib ki, ötən həftə Azərbaycanda olub və bəzi məhbuslarla görüşüb. O qeyd edib ki, Azərbaycanda AŞ standartlarına riayət olunması ilə bağlı, xüsusən müstəqil məhkəmə, toplaşmaq, ifadə azadlığının təmin edilməsi sahəsində ciddi problemlər var və bu problemlər tezliklə həll edilməlidir.
Nazirlər Komitəsinə sədrlik təkcə məsuliyyət deyil, həm də Avropa Şurası qarşısında öhdəlilərə sadiqliyin nümayişi üçün yaxşı imkandır. Azərbaycanın sədrliyinin başa çatmasına vaxt var və Bakı sözügedən sahələrdə addımlar atmalıdır.
Lakin Məmmədyarov öz çıxışında bütün bu məsələlərə toxunmayıb və daha çox ümumi mövzularda danışaraq, Azərbaycanın sədrliyi dövründə AŞ-ın fəaliyyətindən bəhs edib.
Maraqlıdır ki, Ukraynadakı hadisələr haqqında danışarkən o, bir dəfə də olsun Rusiyanın adını çəkməyib.
Bununla belə, AŞPA deputatları insan hüquqları problemini qaldırıblar.
Xüsusən, Robert Beron müstəqil QHT-lərin vergi yoxlamalarına məruz qaldığı, bunun amma Heydər Əliyev Fonduna toxunmadığı ilə maraqlanıb.
Tini Kox İlham Əliyevin siyasi məhbuslar mövzusunda dəyirmi masa keçirmək vədindən sonra Azərbaycanda yeni həbslər aparılmasının, tədbirin isə hələ də keçirilməməsinin səbəbini soruşub. Məmmədyarov bunu “yay tətili” ilə izah edib və Qurban bayramından sonra bu istiqamətdə iş başlayacağını bildirib.
Maknamaranın hüquq müdafiəçiləri Leyla Yunus, İntiqam Əliyev, Rəsul Cəfərovun həbsinin Avropa Şurası üzvü imicinə necə təsir etdiyi barədə sualına cavabda Məmmədyarov bildirib ki, o, artıq Bakıda Maknamaranın bu sualına cavab verib və bu məsələdə onların fikirləri fərqlidir.
Sonda nazir Azərbaycanda siyasi məhbuslar olduğunu inkar edib. -1606D-
-
- Siyasət
- 2 Oktyabr 2014 17:36
-
- Sual-cavab
- 2 Oktyabr 2014 19:04
Siyasət
-
Azərbaycan Prezidenti İlham Əliyev Çex Respublikasının Milli Bayramı münasibətilə Çexiya Prezidenti Petr Pavelə təbrik məktubu göndərib. Məktubda Prezident Əliyev öz adından və Azərbaycan xalqı adından səmimi arzularını çatdıraraq Çexiya liderinə və xalqa ən xoş təbriklərini və arzularını ifadə edib.
-
Bakı Apellyasiya Məhkəməsi Azərbaycan Xalq Cəbhəsi Partiyasının fəalı Tehran Abdullayevin narkotik maddə istifadəsi ilə bağlı inzibati həbsini qüvvədə saxlayıb.
-
Gürcüstanda keçirilən parlament seçkilərində hakim Gürcü Arzusu Partiyası erməni və azərbaycanlı əhalinin sıx olduğu rayonlarda çoxluq qazanıb: Axalkalaki – 88 faiz, Ninotsminda – 90 faiz, Marneuli – 80 faiz, Bolnisi – 81 faiz, Tetritskaro – 68,6 faiz, Dmanisi – 76,4 faiz, Tsalka – 69,3 faiz və Qardabani – 70,8 faiz. Marneulidə bülletenlərin atılmasına dair kadrlar Gürcüstanda və onun hüdudlarından kənrda sosial şəbəkələrdə geniş yayılıb. Gürcü Arzusu milli azlıqların az olduğu Tbilisidə uduzub.
-
ABŞ və avropalı müttəfiqlər müşahidəçilərin Gürcüstanda seçki pozuntuları ilə bağlı xəbərləri tam araşdırmaq çağırışlarına qoşulublar, Turan-ın Vaşinqton müxbiri bildirib.
Rəy yaz