![Ştaynmayer: «Qarabağda status-kvo-nun saxlanması mümkün deyil»](https://turan.az/resized/750/500/resize/media/2016/main/063000160638.jpg)
Ştaynmayer: «Qarabağda status-kvo-nun saxlanması mümkün deyil»
Yerevan danışıqlarında əsas məsələ Qarabağ nizamlanması olub. Bu barədə ATƏT-in fəaliyyətdə olan sədri, Almaniya XİN rəhbəri Frank-Valter Ştaynmayer iyunun 29-da Yerevanda Ermənistan XİN rəhbəri Edvard Nalbandyanla birgə keçirdiyi mətbuat konfransında bildirib.
Nazir regional səfər çərçivəsində Ermənistandadır. Sonra Bakı və Tbilisidə olacaq.
Almaniyalı nazir qeyd edib ki, aprel döyüşlərindən iki ay keçib. Döyüşlər zamanı hər iki tərəfdən itki olub. “Təkcə bilavasitə iştirakçılara yox, bütün tərəflərə, həm də ATƏT-ə aydındır ki, status-kvo-nun saxlanması mümkün deyil. Münaqişə nə qədər uzun sürərsə eskalasiya ehtimalı bir o qədər artar. Buna yol vermək olmaz. ATƏT-in fəaliyyətdə olan sədri kimi mən davamlı sülh axtarışındayam”, - o vurğulayıb.
Onun sözlərinə görə, vasitəçilərin səyləri, Vyana və Sankt-Peterburq sammitləri vəziyyəti xeyli sakitləşdirib. “Biz doğru yoldayıq”, - Ştaynmayer qeyd edib. O əlavə edib ki, tendensiyanı saxlamaq lazımdır. “ATƏT-in, həmsədrlərin səyləri və tərəflərin kompromisə getməyə hazır olması vacibdir”, - o bildirib.
Xatırladaq ki, bu gün almaniyalı nazir Bakıya gəlib. O, Azərbaycan XİN rəhbəri Elmar Məmmədyarovla görüşəcək.02D-
-
- Siyasət
- 30 İyun 2016 11:31
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz