Sentyabrın 9-da Bakıda Aİ “Şərq Tərəfdaşlığı” ölkələrinin XİN rəhbərlərinin görüşündə həmin dövlətlərin müstəqilliyinin və ərazi bütövlüyünün qorunması, enerji təhlükəsizliyi, demokratiya və vətəndaş cəmiyyətinin inkişafı məsələləri müzakirə edilib. Bu barədə görüşdən sonra mətbuat konfransında Azərbaycan XİN rəhbəri Elmar Məmmədyarov bildirib.
Öz növbəsində Aİ-nin genişlənmə və qonşuluq siyasəti üzrə komissarı Ştefan Füle deyib ki, Aİ “Şərq Tərəfdaşlığı” ölkələri ilə əməkdaşlığa mühüm önəm verir və onların suverenliyini, ərazi bütövlüyünü qorumağa hazırdır. Lakin bu dövlətlər öz suverenliklərini özləri müəyyən etməlidirlər.
Aİ 2009-cu il Madrid müqaviləsi ilə öz prioritetləri sırasında demokratiyanın inkişafı, insan hüquqları, ədalətli ədliyyə sistemi, korrupsiyaya qarşı mübarizə, vətəndaş cəmyyətinə hörmətlə yanaşılmasını müəyyən edib.
Fülenin fikrincə, islahatların həyata keçirilməsi üçün hökumətlə vətəndaş cəmiyyəti arasında dialoq olmalıdır.
Aİ-nin xarici siyasət və təhlükəsizlik üzrə ali nümayəndəsi Helda Şmit müdafiə və təhlükəsizlik məsələləri üzrə fikir mübadiləsinin aparıldığını bildirib.
O qeyd edib ki, Ukrayna böhranı “Şərq Tərəfdaşlığı” ölkələrinin təhlükəsizliyinə qorxu yaradır.
Aİ “Şərq Tərəfdaşlığı” məkanında bütün münaqişələrin nizamlanmasına tərəfdardır. O, vətəndaş cəmiyyətininin inkişafının və onun hökumətlə dialoqunun vacibliyini qeyd edib.
Füle jurnalistlərin suallarını cavablandırarlən deyib ki, Krımın Rusiya tərəfindən anneksiyası “bu münaqişənin dinc yolla nizamlanması imkanlarını aradan qaldırır”.
Qarabağ münaqişəsinə gəlincə, bundan ötrü beynəlxalq çərçivələr var və Aİ bu səyləri dəstəkləyir. Onun fikrincə, məsələnin həlli hər iki tərəfin iradəsindən asılıdır və Aİ öz tərəfindən dəstək göstərməyə hazırdır.
Azərbaycanın iqtisadi nailiyyətlərini qeyd edən Füle deyib ki, ölkədə vətəndaş cəmiyəti üçün məkan daralır. Onun fikrincə, hökumət vətəndaş cəmiyyəti ilə birlikdə onun problemlərinin həlli yollarını tapmalıdır.
“Azərbaycanın AŞ Nazirlər Komitəsində sədrliyi şəraitində ölkə Avropa dəyərlərinə və prinsiplərinə sadiqlıyini nümayiş etdirməlidir”, - komissar vurğulayıb.
Öz növbəsində E.Məmmədyarov deyib: “Biz istəyirik ki, QHT-lər daha da şəffaf olsunlar. Onlar Ədliyyə Nazirliyində qeydiyyatdan keçməlidirlər. İnsan hüquqlarını müdafiə edərkən qanunun aliliyinə əməl olunmalı, qanunlara hörmətlə yanaşılmalıdır”.
Onun sözlərinə görə, Azərbaycanda insan hüquqlarının vəziyyəti bəzi Aİ ölkələrdə olduğundan pis deyil. —06D--
Siyasət
-
Azərbaycan prezidenti İlham Əliyev Almaniyanın Maqdeburq şəhərində baş vermiş faciəli hadisə ilə əlaqədar prezident Frank-Valter Ştaynmayerə başsağlığı verib.
-
Dövlət başçısının sərəncamı ilə Vüsal Aslanov "Bakı metropoliteni" Qapalı Səhmdar Cəmiyyətinin sədri təyin edilib.
-
Narkotik maddə işi üzrə mühakimə olunmuş fəal İlhamiz Quliyev Umbakıdakı penitensiar kompleksdə saxlanma şəraitinin pis olmasından şikayət edib. Bu barədə Turan-a onun yaxınları bildiriblər.
-
Səkkiz dron Kazan şəhərinə hücum edərək sənaye müəssisəsini və yaşayış binalarını hədəfə aldı. Bu nadir hadisə Ukrayna ilə Rusiya arasındakı gərgin münaqişənin artmaqda olduğunu vurğulayır. Rəsmi məlumatlara görə, hələlik tələfat haqqında məlumat yoxdur.
Rəy yaz