Bakı/15.07.18/Turan: Hüquq-mühafizə orqanları bazar günü Sumqayıtda iyulun 10-da Gəncə hadisələrindən sonra sosial şəbəkələr vasitəsilə çağırışı həyata keçirilən mümkün etiraz aksiyasının qarşısını almaq məqsədilə misli görünməmiş təhlükəsizlik tədbirləri görüb.
Polis və xüsusi təyinatlı dəstələr şəhər administrasiyası qarşısındakı meydana keçidləri tamamilə bağlayıb. Bitişik küçələrdə bir neçə zirehli texnika görülüb.
Hakimiyyət kafe və mağaza sahiblərinə insanların yığışmasının qarşısını almaq üçün obyektləri bağlamaq göstərişi verib.
Bu zaman polis şəhər sakinlərinin baş verənləri və zirehli texnikanı mobil telefonlarla çəkməsinə icazə verməyib.
Eyni zamanda, "dini radikalların" və "onları dəstəkləyən radikal müxalifət nümayəndələrinin" aşkar edilməsi və saxlanması məqsədilə reydlər aparılıb. Hüquq-mühafizə orqanlarının məlumatına görə, 18 nəfər saxlanılıb.
Xatırladaq ki, iyulun 10-da Gəncədə şəhər administrasiyasının binası qarşısında qarşıdurma zamanı iki polis zabiti öldürülüb. Etirazlar ayın 3-də sui-qəsdə məruz qalmış şəhər icra başçısı Elmar Vəliyevin işindən narazılıqla əsaslandırılıb.
Hakimiyyətin məlumatına görə, iğtişaşlar dini radikallar tərəfindən təşkil edilib.
Bundan sonra sosial şəbəkələrdə şübhəli profillər vasitəsilə Sumqayıtda şəhər rəhbərliyinin fəaliyyətinə qarşı etiraz əlaməti olaraq bu hərəkətləri təkrar etmək çağırışları yayılıb. -06D-
Siyasət
-
“Müdafiə Xətti” hüquq müdafiə təşkilatının həbsdə olan icraçı direktoru Rüfət Səfərovun anası Tahirə Tahirqızının ölkədən çıxışına qadağa qoyulduğu bildirilir.
-
Yanvarın 15-də Tbilisi Apellyasiya Məhkəməsi Gürcüstanda ekstradisiya məqsədi ilə barəsində həbs qətimkan tədbiri seçilmiş Azərbaycanın Azel.TV saytının rəhbəri Əfqan Sadıqovun Azərbaycana ekstradisiya olunması ilə bağlı Tbilisi Şəhər Məhkəməsinin qərarından şikayətə baxacaq.
-
25 dekabrda Qazaxıstanda qəzaya uğramış Azərbaycanın Embraer təyyarəsinin qara qutuları hazırda Brasiliyada beynəlxalq bir təşəbbüs çərçivəsində təhlil olunur ki, bu da 38 nəfərin həyatına son qoyan qəzanın səbəbini müəyyən etmək məqsədi daşıyır, bu barədə O Globo 2 yanvarda xəbər verib. Braziliya Hərbi Hava Qüvvələri davam edən araşdırmanın, Braziliya tədqiqatçılarından üçü də daxil olmaqla həmçinin Azərbaycan və Rusiya nümayəndələrinin də iştirak etdiyi bu araşdırmanın hələ də müəyyən bir bitmə tarixi olmadığını elan etmişdir, lakin hakimiyyətlər tez nəticələrə ümid edirlər.
-
Dekabrın 25-də Qroznı yaxınlığında AZAL təyyarəsinin qəzaya uğraması ilə bağlı istintaq qismən məxfiləşdirilib. Bu barədə şənbə günü VChK OGPU teleqram kanalı məlumat yayıb.
Rəy yaz