Açiq mənbələrdən foto.
Bakı/07.09.21/Turan: “Zəfər Yolu”nun – Füzulidən Şuşaya gedən yolun tikintisi sentyabrın sonlarında başa çatacaq, bu barədə sentyabrın 7-də Dövlət Avtomobil Yolları Agentliyinin mətbuat katibi Anar Nəcəfli jurnalistlərə bildirib.
Onun sözlərinə görə, 101 km uzunluğundakı yolun asfaltlanması başa çatıb və hazırda işarələmə və yol nişanlarının quraşdırılması işləri aparılır.
Qeyd edək ki, bu yol Şuşanı Azərbaycanın qalan hissəsi ilə birləşdirəcək.
Hazırda digər iki yoldan istifadə etmək olmur. Yollardan biri – Ağdamdan keçən yol qismən erməni separatçıların nəzarəti altındadır. Laçından keçən ikinci yola Rusiya sülhməramlıları nəzarət edir və bu yoldan Qarabağ erməniləri istifadə edir.
Füzuli-Şuşa yolunun açılması əhalinin şəhərə qayıtmasına start verəcək və Azərbaycanın mədəniyyət paytaxtının tam bərpası işlərini sürətləndirəcək. -02D-
Siyasət
-
İstanbul Universitetinin dioktorantı, 146 gündür həbsxanada aclıq edən Fazil Qasımov quru aclığa keçəcəyini bildirib. Bu barədə onun ailəsi noyabrın 5-də Fazil Qasımov ilə telefon danışığından sonra “Amerikanın səsi”nə bildirib.
-
Dini xeberman.com saytının təsisçisi, noyabrın 4-də koloniyada aclıq elan edən Polad Aslanov həmin gün axşam məcburi qaydada Penitensiar Xidmətin müalicə müəssisəsinə köçürülüb. Bu barədə Turan-a onun xanımı Gülmirə Aslanova bildirib.
-
Ukraynanın Azərbaycandakı səfirliyi bildirir ki, 9 noyabr 2024-cü il saat 12:00-da Bakıda Ukrayna Mərkəzinin açılışı olacaq. Əvvəlcə Azərbaycanda Ukrayna mədəniyyətini, dilini, irsini və təhsilini təbliğ etmək üçün yaradılmış Ukrayna Mərkəzi təmir edilib və genişləndirilib.
-
1 saylı Bakı İstintaq Təcridxanasında fəal Nicat İbrahimin vəziyyəti kəskin pisləşib. Bu barədə Turan-a onun xanımı Pərvanə İbrahim bildirib.
Rəy yaz