Taleh Bağırovun azad edilməsi tələbilə imzatoplama

İlahiyyatçı Taleh Bağırovun Hüquqlarını Müdafiə Komitəsi onun azad edilməsi tələbi ilə imzatoplama kampaniyası başladığını elan edib. Bu barədə bugünki mətbuat konfransında Komitə üzvü Mirqasım Əliyev bildirib.

 
Onun sözlərinə görə, ilahiyyatçı öz məqalələrinə, habelə fərqli düşüncələrinə görə işgəncələrə məruz qalır. Taleh Bağırov 2005-ci ildən 2010-cu ilə qədər İranın Qum şəhərində dini təhsil alıb, 2010-11-ci illərdə İraqın Nəcəf şəhərində təhsilini davam etdirib.
 
Müdafiə Komitəsinin digər üzvü Namizəd Səfərov bildirib ki, Bağırova qarşı irəli sürülmüş ittihamların heç bir əsası yoxdur. Onlar hakimiyyətin tənqidçilərini susmağa məcbur etmək məqsədi daşıyır, Səfərov belə hesab edir.
 
O, Bağırovun həbs müddətinin uzadılacağını istisna etməyib və hakimiyyətin onu casusluqda və Vətənə xəyanətdə ittiham edə biləcəyi ilə bağlı narahatlığını ifadə edib.
 
Taleh Bağırovun Hüquqlarını Müdafiə Komitəsi gələcəkdə onu müdafiə aksiyaları keçirməyi nəzərdə tutur.
 
Taleh Bağırov bu il martın 31-də saxlanılıb, iki il sonra isə Sabunçu rayon məhkəməsi 234.1-ci maddə ilə (narkotik əldə etmə və saxlaam) onun həbsinə qərar verib.
 
İşi Mütəşəkkil Cinayətkarlığa qarşı Mübarizə İdarəsi aparır. 
 
Bağırovun həbsinin əsl səbəbi onun sosial şəbəkələrdə yayılmış hakimiyyətin ünvanına kəskin tənqid səsləndirdiyi 24 mart tarixli xütbəsi olub. -16D04-

Rəy yaz

Siyasət

Сможет ли Москва сорвать уход Еревана под крыло Запада? - беседа с экспертом по Центральной Азии Аркадиtv Дубновым в программе "Çətin sual"




Bizi sosial şəbəkələrdə izləyin

Xəbər lenti