![Taleh Bağırzadənin işgəncələrlə bağlı şikayətinə baxılması qeyri-müəyyən müddətə təxirə salınıb](https://turan.az/resized/750/500/resize/media/2013/main/041100034277.jpg)
Taleh Bağırzadənin işgəncələrlə bağlı şikayətinə baxılması qeyri-müəyyən müddətə təxirə salınıb
İlahiyyatçı Taleh Bağırzadənin Sabunçu Rayon Polis İdarəsində döyülməsi ilə əlaqədar məhkəmə nəzarəti qaydasında verilmiş şikayəti qeyri- müəyyən vaxtadək təxirə salınıb.
Vəkil Anar Qasımlının Turan-a verdiyi məlumata görə, buna səbəb işə baxan Sabunçu Rayon Məhkəməsinin hakimi Süleyman Ağayevin məzuniyyətə çıxmasıdır. Buna görə də iş başqa hakimə veriləcək.
Vəkil bildirib ki şikayət Sabunçu Rayon Polis İdarəsindən verilib. Onun sözlərinə görə, sa xlanma zamanı və polisdə həbsdə olduğu müddətdə T.Bağırzadə döyülməyə məruz qalıb. Lakin ombudsman illahiyyatçıda işgəncə izlərinin olmadığını bildirib.
T. Bağırzadəni doğmaları ilə görüşdürmürlər və Mütəşəkkil Cinayətkarlığa Qarşı Mübarizə İdarəsində saxlayırlar. Vəkillər onun İstintaq Təcridxanasına köçürülməsinə nail olmağa çalışırlar.
T. Bağırzadə martın 31-də qanunsuz narkotik maddə saxlamaq (234.1-ci maddə) ittihamı ilə saxlanılıb. İstintaqın məlumatına görə, ondan 1,026 qram heroin müsadirə edilib.
Lakin T.Bağırzadənin yaxınları iddia edirlər ki, həbsin əsl səbəbi ölkə hakimiyyətinin Youtube vasitəsilə kəskin tənqidi olub.
Bundan başqa vəkillər bildiriblər ki, T.Bağırzadəyə qarşı dövlət çevrilişinə cəhd və milli, irqi, dini ayrı-seçkiliyə çağırışla bağlı yeni ittihamlar irəli sürülə bilər. Belə ki, istintaq bildirib ki, onun adamları Bakı Şəhər İcra Hakimiyyətinin binasını yandırmağa cəhd edib, həmçinin Zeynəb Xanlarovanın və bir nazir müavininin Nardarandakı bağ evini yandırıblar. İstintaq bu hadisələrlə bağlı T. Bağırzadənin üzünə duracaq şahidlərin olduğunu da onun nəzərinə çatdırıb.-16B06-
Siyasət
-
Ermənistan ATƏT-in Minsk Qrupunun buraxılmasının əleyhinə deyil, amma indi bu məsələni müzakirə etməyi məqsədəuyğun hesab etmir.
-
Ermənistanın baş naziri Azərbaycan prezidenti İlham Əliyevlə iki ölkənin sərhədində görüşməyə hazırdır. "İlham Əliyevlə görüş Ermənistan-Azərbaycan sərhədində də ola bilər. Mən belə formata hazıram",- Paşinyan bugünkü mətbuat konfransında deyib.
-
Avqustun 31-də Azərbaycanda birpalatalı parlamentə - Milli Məclisə növbədənkənar seçkilər ərəfəsində "sükut günü"dür. Səsvermədən 24 saat əvvəl hər hansı seçkiqabağı təşviqat qadağandır.
-
Avqustun 30-da saat 22:55-ə yaxın Ermənistanın Metsamordakı Atom Elektrik Stansiyası ölkənin enerji sistemindən ayrılıb. Bu barədə Ermənistanın Ərazi İdarəetmə və İnfrastruktur Nazirliyi bildirib. Buna ildırım zərbəsi səbəb olub, nəticədə stansiyanın təhlükəsizlik sistemi stansiyanı təhlükəsiz dayanma rejiminə keçirib. Hazırda stansiyanın kollektivi onun yenidən işə salınması ilə məşğuldur.
Rəy yaz