Açiq mənbələrdən foto.
Bakı/05.04.22/Turan: Prezident İlham Əliyev aprelin 5-də Tarif Şurası haqqında Əsasnaməyə dəyişikliklər haqqında fərman imzalayıb.
Dəyişikliklərə əsasən, Tarif Şurası (TŞ) icra hakimiyyəti orqanı statusundan məhrum edilir.
Əsasnamənin yeni redaksiyasında TŞ prezident tərəfindən müəyyən edilmiş hallar istisna olmaqla, dövlət tənzimlənməsi tətbiq edilən qiymətlərin (tariflərin), xidmət haqlarının, yığımların (bundan sonra - qiymət) dövlət tənzimlənməsini həyata keçirən kollegial orqandır.
TŞ ictimai əsaslarla fəaliyyət göstərəcək, onun katiblik əməkdaşları isə dövlət qulluqçusu hesab olunmayacaq. Katibliyin gerbsiz möhürü, ştampları və blankları olacaq.
Vergilər Nazirliyi ləğv olunduğuna görə vergilər nazirinin keçmiş müavini TŞ üzvlüyündən xaric edilib.
TŞ 26 dekabr 2005-ci il tarixində dövlət tərəfindən tənzimlənən qiymətləri (tarifləri) tənzimləyən kollegial icra hakimiyyəti orqanı kimi yaradılmışdı.
TŞ-yə sədrlik iqtisadiyyat nazirinə həvalə edilmişdi. -06В-
Siyasət
-
Ermənistanın xarici işlər naziri Ararat Mirzoyan Yerevanın silah almaqdan imtina etməsilə bağlı prezident İlham Əliyevin tələbini rədd edib.
-
Yanvarın 8-də İlham Əliyev İranın Ali Milli Təhlükəsizlik Şurasının katibi Əli Əkbər Əhmədianı qəbul edib. Əhmədian İranın ali lideri əli Xamenei və prezident Məsud Pezeşkianın salamlarını əliyevə çatdırıb.
-
Yanvarın 8-də Səbail Rayon Məhkəməsində “Kanal 13” televiziyasının rəhbəri Əziz Orucovun cinayət işi üzrə məhkəmə iclası keçirilib. İclas zamanı Orucovun vəkilləri onun barəsində həbs qətimkan tədbirinin ev dustaqlığı ilə əvəz edilməsinə dair vəsatət qaldırıblar. Lakin vəsatət təmin edilməyib.
-
Yanvarın 8-də dövlət basçısı İlham Əliyev Avropa İttifaqının Cənubi Qafqaz üzrə xüsusi nümayəndəsi Maqdalena Qrononu qəbul edib. Bu barədə Azərbaycan prezidentinin mətbuat xidməti bildirib. O, AZAL-ın təyyarə qəzası ilə bağlı dərin hüznlə başsağlığını çatdıraraq, aviaqəzanın bütün səbəblərinin hərtərəfli şəkildə araşdırılacağına ümidvar olduğunu bildirib.
Rəy yaz